«Наркологиялық диспансерден анықтама беру» мемлекеттік көрсетілетін қызмет регламенті (Алматы қаласы әкімдігінің 2014 жылғы 11 мамырдағы № 2/337 Қаулысымен бекітілді) (2014.17.10. берілген толықтырулармен) (күші жойылды)

Алматы қаласы әкімдігінің 2015 жылғы 18 қарашадағы № 4/637 Қаулысымен күші жойылды

Алматы қаласы әкімдігінің

2014 жылғы 11 мамырдағы № 2/337

қаулысымен бекітілген

«Наркологиялық диспансерден анықтама беру»

мемлекеттік көрсетілетін қызмет регламенті

(2014.17.10. берілген толықтырулармен)

1. Жалпы ережелер

1. «Наркологиялық диспансерден анықтама беру» мемлекеттік көрсетілетін қызметтің осы регламенті Қазақстан Республикасы Үкіметінің 2014 жылғы 20 наурыздағы № 253 «Денсаулық сақтаудағы мемлекеттік көрсетілетін қызметтің стандартын бекіту туралы» қаулысымен бекітілген «Наркологиялық диспансерден анықтама беру» мемлекеттік көрсетілетін қызмет Стандартының негізінде әзірленді (бұдан әрі - Стандарт).

«Наркологиялық диспансерден анықтама беру» мемлекеттік көрсетілетін қызметті Алматы қаласы, Мақатаев көшесі 10 мекенжайы бойынша шаруашылық жүргізу құқығындағы «Қалалық наркологиялық медициналық-әлеуметтік түзету орталығы» мемлекеттік коммуналдық кәсіпорны (бұдан әрі - көрсетілетін қызметті беруші) көрсетеді.

Мемлекеттік қызметті көрсету мемлекеттік немесе орыс тілдерінде, өтінім ресімделген тілге байланысты іске асырылады.

2. Мемлекеттік қызметті көрсету нысаны - қағаз түрінде.

Мемлекеттік көрсетілетін қызмет жеке тұлғаларға ақылы негізде көрсетіледі (бұдан әрі - көрсетілетін қызметті алушы). «Халық денсаулығы және денсаулық сақтау жүйесі туралы» Қазақстан Республикасы Кодексінің 35-бабына сәйкес мемлекеттік қызметті көрсету құнын көрсетілетін қызмет беруші айқындайды және көрсетілетін қызметті берушінің интернет-ресурсында немесе көрсетілетін қызметті берушінің үй-жайларында орналастырылады.

Мемлекеттік қызметті көрсету нәтижесі - стандарттың 2-қосымшасына сәйкес көрсетілетін қызметті берушінің тіркеу журналына жазылу; анықтама берген нарколог-дәрігер және медициналық тіркеуші қол қойған, жеке дәрігерлік мөрмен және көрсетілген қызметті берушінің мөрімен расталған осы стандарттың 1-қосымшасына сәйкес нысан бойынша қағаз түріндегі наркологиялық диспансерден анықтама беру.