«3-Энергоорталық» акционерлік қоғамының 2014 жылға арналған инвестициялық бағдарламасын бекіту туралы» Қазақстан Республикасы Индустрия және жаңа технологиялар бірінші вице-министрінің 2014 жылғы 4 мамырдағы № 146 және Қазақстан Республикасы Табиғи монополияларды реттеу агенттігінің Оңтүстік Қазақстан облысы бойынша департаментінің 2014 жылғы 1 сәуірдегі № 86-НҚ бірлескен бұйрығы

«3-Энергоорталық» акционерлік қоғамының 2014 жылға арналған инвестициялық бағдарламасын бекіту туралы
Қазақстан Республикасы Индустрия және жаңа технологиялар бірінші вице-министрінің 2014 жылғы 4 мамырдағы № 146 және Қазақстан Республикасы Табиғи монополияларды реттеу агенттігінің Оңтүстік Қазақстан облысы бойынша департаментінің 2014 жылғы 1 сәуірдегі № 86-НҚ бірлескен бұйрығы

«Табиғи монополиялар және реттелетін нарықтар туралы» Қазақстан Республикасы Заңының 15-3-бабы 6-тармағына, Қазақстан Республикасы Үкіметінің 2013 жылғы 24 сәуірдегі № 394 қаулысымен бекітілген Табиғи монополия субъектісінің инвестициялық бағдарламасын (жобасын) бекіту және оны түзету қағидаларының 18-тармағына сәйкес БҰЙЫРАМЫЗ:

1. Қоса беріліп отырған «3-Энергоорталық» акционерлік қоғамының 2014 жылға арналған инвестициялық бағдарламасы бекітілсін.

2. Қазақстан Республикасы Табиғи монополияларды реттеу агенттігінің Оңтүстік Қазақстан облысы бойынша департаменті осы бірлескен бұйрықты «3-Энергоорталық» акционерлік қоғамының назарына жеткізсін.

3. Осы бірлескен бұйрықтың орындалуын бақылау Қазақстан Республикасы Табиғи монополияларды реттеу агенттігінің Оңтүстік Қазақстан облысы бойынша департаменті басшысының орынбасары М.Р. Нышамбаевқа жүктелсін.

4. Осы бірлескен бұйрық қол қойылған күнінен бастап күшіне енеді.