«Учаскелік полиция инспекторларының бөліністері орындайтын жұмыстың уақыт нормаларын бекіту туралы» Қазақстан Республикасы Ішкі істер министрінің 2014 жылғы 19 тамыздағы № 533 бұйрығы (күші жойылды)

Учаскелік полиция инспекторларының бөліністері орындайтын жұмыстың уақыт нормаларын бекіту туралы
Қазақстан Республикасы Ішкі істер министрінің 2014 жылғы 19 тамыздағы № 533 бұйрығы

ҚР Ішкі істер министрінің 2015 жылғы 13 қарашадағы № 919 бұйрығымен күші жойылды

Қазақстан Республикасы Еңбек кодексінің 117-бабының 2-тармағына сәйкес БҰЙЫРАМЫН:

1. Қоса беріліп отырған Учаскелік полиция инспекторларының бөліністері орындайтын жұмыстың уақыт нормалары бекітілсін.

2. Осы бұйрықтың орындалуын бақылау Қазақстан Республикасы Ішкі істер министрінің бірінші орынбасары полиция генерал-майоры М.Ғ.Демеуовке және Кадр жұмысы департаментіне (А.Ү. Әбдіғалиев) жүктелсін.

3. Осы бұйрық қол қойылған күнінен бастап күшіне енеді.

КЕЛІСІЛДІ

Қазақстан Республикасының

Денсаулық сақтау және әлеуметтік даму вице-министрі

2014 жылғы «_____» ___________

Қазақстан Республикасы

Денсаулық сақтау және

әлеуметтік даму министрлігінің

20__ жылғы «___» __________

№__________

хатымен (20__ жылғы «___» ______ дейін)

ҰЗАРТЫЛДЫ

Қазақстан Республикасы

Ішкі істер министрінің 2014 жылғы

19 тамыздағы № 533 бұйрығымен

бекітілді

Учаскелік полиция инспекторлары бөлінісі атқаратын жұмыстың
уақыт нормалары

Мазмұны

1. Жалпы бөлім

2. Еңбекті ұйымдастыру

3. Нормативтік бөлім

1-қосымша. УПИ атқаратын жұмыстың уақыт нормалары

2-қосымша. Учаскелік полиция инспекторларының жүктеме нормаларын есептеу әдісі

3-қосымша. Учаскелік полиция инспекторлары атқаратын жұмыстың уақыт нормативтерінің жиынтық кестесі

1. Жалпы бөлім

Уақыт нормалары ішкі істер органдары жүйесінің аумақтық бөліністерінде қолдану үшін арналған.

Уақыт нормалары учаскелік полиция инспекторларының (бұдан әрі -УПИ) нормативтік жүктемесін айқындауға арналған және олардың қажетті штат санын айқындау үшін негіз болады.

Уақыт нормаларын әзірлеуге негіз ретінде:

хронометраждық бақылаулар негізінде жұмсалған жұмыс уақытын зерделеу материалдары;

учаскелік полиция инспекторлары қызметін сараптамалық бағалау деректері;