«Тіркелген қылмыстық құқық бұзушылықтар туралы» № 1-М нысанды статистикалық есепті және оны құрастыру жөніндегі Нұсқаулықты бекіту туралы» Қазақстан Республикасы Бас Прокурорының 2014 жылғы 8 қазандағы № 111 бұйрығы (күші жойылды)

«Тіркелген қылмыстық құқық бұзушылықтар туралы» № 1-М нысанды статистикалық есепті және оны құрастыру жөніндегі Нұсқаулықты бекіту туралы
Қазақстан Республикасы Бас Прокурорының 2014 жылғы 8 қазандағы № 111 бұйрығы

ҚР Бас Прокурорының 2016 жылғы 29 тамыздағы № 140 бұйрығымен күші жойылды

Қазақстан Республикасының жаңа Қылмыстық және Қылмыстық-процестік кодекстерінің қабылдануына байланысты, «Прокуратура туралы» 1995 жылғы 21 желтоқсандағы Қазақстан Республикасы Заңының 11-бабы 4-1) тармақшасын басшылыққа ала отырып, БҰЙЫРАМЫН:

1. Бекітілсін:

1) осы бұйрыққа 1-қосымшаға сәйкес «Тіркелген қылмыстық құқық бұзушылықтар туралы» № 1-М нысанды статистикалық есеп;

2) осы бұйрыққа 2-қосымшаға сәйкес «Тіркелген қылмыстық құқық бұзушылықтар туралы» № 1-М статистикалық есепті құрастыру жөніндегі Нұсқаулық.

2. Осы бұйрыққа 3-қосымшада мазмұндалған Тізбеге сәйкес Қазақстан Республикасы Бас Прокурорының бұйрығының күші жойылған деп танылсын.

3. Қазақстан Республикасының Бас прокуратурасының Құқықтық статистика және арнайы есепке алу жөніндегі комитеті (бұдан әрі - Комитет) осы бұйрықты жолдасын:

1) Қазақстан Республикасының Әділет министрлігіне мемлекеттік тіркеуге;

2) орындау үшін құқықтық статистика және арнайы есепке алудың мүдделі субъектілеріне, Қазақстан Республикасының Бас прокуратурасының құрылымдық бөлімшелеріне, Комитеттің аумақтық органдарына.

4. Осы бұйрықтың орындалуын бақылау Комитет Төрағасына жүктелсін.

5.Осы бұйрық ресми жариялануға тиісті және 2015 жылдың 1-қаңтарынан бастап қолданысқа енгізіледі.

Қазақстан Республикасы

Бас Прокурорының

2014 жылғы 8 қазандағы

№ 111 бұйрығына

1-қосымша

«Тіркелген қылмыстық құқық бұзушылықтар туралы»

№ 1-М есебінің нысаны

1-тарау. Тіркелген қылмыстық құқық бұзушылықтар туралы мәліметтер