«Алматы облысының (қаласының, ауданының) құрметті азаматы» атағын беру Қағидаларын бекіту туралы» Алматы облыстық мәслихатының 2015 жылғы 20 мамырдағы № 45-261 шешімі (2018.30.03. берілген өзгерістермен)

«Алматы облысының (қаласының, ауданының) құрметті азаматы» атағын беру Қағидаларын бекіту туралы
Алматы облыстық мәслихатының 2015 жылғы 20 мамырдағы № 45-261 шешімі

(2018.30.03. берілген өзгерістермен)

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 6-бабының 1-тармағының 12-2) тармақшасына сәйкес, Алматы облыстық мәслихаты ШЕШІМ ҚАБЫЛДАДЫ:

1. Қоса беріліп отырған «Алматы облысының (қаласының, ауданының) құрметті азаматы» атағын беру Қағидалары бекітілсін.

2. Алматы облыстық мәслихаты аппаратының басшысы Құрманбаев Ерлан Бақытжанұлына осы шешімді әділет органдарында мемлекеттік тіркелгеннен кейін ресми және мерзімді баспа басылымдарында, сондай-ақ Қазақстан Республикасының Үкіметі айқындаған интернет-ресурста және облыстық мәслихаттың интернет-ресурсында жариялау жүктелсін.

3. Осы шешімнің орындалуын бақылау Алматы облысы әкімі аппаратының басшысы Дүйсембінов Сұлтан Мырзабекұлына жүктелсін (келісім бойынша).

4. Осы шешім әділет органдарында мемлекеттік тіркелген күннен бастап күшіне енеді және алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Алматы облыстық мәслихатының

2015 жылғы 20 мамырдағы

№ 45-261 шешімімен бекітілген

«Алматы облысының (қаласының, ауданының) құрметті азаматы» атағын беру

Қағидалары

1. Жалпы ережелер

1. Осы «Алматы облысының (қаласының, ауданының) құрметті азаматы» атағын беру Қағидалары «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңына сәйкес әзірленген және «Алматы облысының (қаласының, ауданының) құрметті азаматы» атағын (бұдан әрі - Атақ) беру тәртібін реттейді.