(БҰРЫНҒЫ РЕДАКЦИЯ) «2020-2022 ЖЫЛДАРҒА АРНАЛҒАН ОБЛЫСТЫҚ БЮДЖЕТ ТУРАЛЫ»...

2020-2022 жылдарға арналған облыстық бюджет туралы
Түркістан облыстық мәслихатының 2019 жылғы 9 желтоқсандағы № 44/472-VI шешімі

(2020.03.04. берілген өзгерістер мен толықтырулармен)

Осы редакция 2020 жылғы 29 мамырда енгізілген өзгерістеріне дейін қолданылды

Қазақстан Республикасының 2008 жылғы 4 желтоқсандағы Бюджет кодексінің 8-бабының 2-тармағына, 75-бабының 2-тармағына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабы 1-тармағының 1) тармақшасына сәйкес, Түркістан облыстық мәслихаты ШЕШІМ ҚАБЫЛДАДЫҚ:

Түркістан облыстық мәслихатының 2020.21.02. № 46/490-VI шешімімен (бұр.ред.қара); 2020.03.04. № 47/498-VI шешімімен (бұр.ред.қара) 1-тармақ жаңа редакцияда

1. Түркістан облысының 2020-2022 жылдарға арналған облыстық бюджеті тиісінше 1, 2 және 3-қосымшаларға сәйкес, оның ішінде 2020 жылға мынадай көлемде бекiтiлсiн:

1) кiрiстер - 591 956 026 мың теңге, оның iшiнде:

салықтық түсiмдер - 24 948 611 мың теңге;

салықтық емес түсiмдер - 4 001 017 мың теңге;

негізгі капиталды сатудан түсетін түсімдер - 5 323 мың теңге;

трансферттер түсiмi - 563 001 075 мың теңге;

2) шығындар - 616 760 916 мың теңге;

3) таза бюджеттiк кредиттеу - 72 065 407 мың теңге, оның ішінде:

бюджеттік кредиттер - 74 906 956 мың теңге;

бюджеттік кредиттерді өтеу - 2 841 549 мың теңге;

4) қаржы активтерімен операциялар бойынша сальдо - 405 075 мың теңге, оның ішінде:

қаржы активтерін сатып алу - 405 075 мың теңге;

5) бюджет тапшылығы - - 97 275 372 мың теңге;

6) бюджет тапшылығын қаржыландыру - 97 275 372 мың теңге.

Түркістан облыстық мәслихатының 2020.21.02. № 46/490-VI шешімімен 2-тармақ жаңа редакцияда (бұр.ред.қара)

2. 2020 жылға корпоративтік табыс, жеке табыс салықтар және әлеуметтік салық түсімдерінің жалпы сомасын бөлу нормативтері:

ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша аудандар (облыстық маңызы бар қалалар) бюджеттеріне - 50 пайыз;