«Жер учаскелеріне қауымдық сервитут белгілеу туралы» Қостанай облысы Қостанай қаласы әкімдігінің 2023 жылғы 19 қазандағы № 2107 Қаулысы

Жер учаскелеріне қауымдық сервитут белгілеу туралы
Қостанай облысы Қостанай қаласы әкімдігінің 2023 жылғы 19 қазандағы № 2107 Қаулысы

Қазақстан Республикасы Жер кодексінің 18-бабына, 69-бабының 4-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 31-бабына сәйкес, «Қостанай қаласы әкімдігінің жер қатынастары бөлімі» мемлекеттік мекемесінің 2023 жылғы 27 қыркүйектегі № 801, № 802, № 803, № 804, № 805, № 806, № 807, № 808, № 809, № 810 бұйрықтарымен бекітілген жерге орналастыру жобалары негізінде Қостанай қаласының әкімдігі ҚАУЛЫ ЕТЕДІ:

1. «Қостанай қаласы әкімдігінің тұрғын үй-коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесінің Қостанай қаласы әкімдігінің «Қостанай-Су» мемлекеттік коммуналдық кәсірорнына осы қаулының қосымшасына сәйкес Қостанай қаласы әуежайының су құбырын, канализациясын жүргізу және сумен жабдықтау мен су тарту желілерін қайта жаңарту үшін жер учаскелеріне қауымдық сервитуттар белгіленсін.

2. «Қостанай қаласы әкімдігінің жер қатынастары бөлімі» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулыны Қазақстан Республикасы нормативтік құқықтық актілерінің эталондық бақылау банкінде ресми жариялауға жіберуді;

2) ресми жарияланғаннан кейін осы қаулыны Қостанай қаласы әкімдігінің интернет-ресурсына орналастыруды қамтамасыз етсін.

3. Осы қаулының орындалуын бақылау Қостанай қаласы әкімінің жетекшілік ететін орынбасарына жүктелсін.

4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қостанай облысы

Қостанай қаласы әкімдігінің

2023 жылғы 19 қазандағы

№ 2107 қаулысына

қосымша