«Өздерінің бақылау функцияларын жүзеге асыру үшін қажетті ақпарат пен құжаттарды сақтанушының, сақтандырушының, агенттің және өсімдік шаруашылығындағы өзара сақтандыру қоғамының ұсыну нысандары мен мерзімдерін белгілеу туралы» Солтүстік Қазақстан облысы әкімдігінің 2015 жылғы 16 қазандағы № 414 Қаулысы (күші жойылды)

«Өздерінің бақылау функцияларын жүзеге асыру үшін қажетті ақпарат пен құжаттарды сақтанушының, сақтандырушының, агенттің және өсімдік шаруашылығындағы өзара сақтандыру қоғамының ұсыну нысандары мен мерзімдерін белгілеу туралы
Солтүстік Қазақстан облысы әкімдігінің 2015 жылғы 16 қазандағы № 414 Қаулысы

Солтүстік Қазақстан облысы әкімдігінің 2017 жылғы 19 маусымдағы № 246 Қаулысымен күші жойылды

«Өсімдік шаруашылығындағы міндетті сақтандыру туралы» Қазақстан Республикасының 2004 жылғы 10 наурыздағы Заңының 5-бабы 2-1-тармағының 5) тармақшасына сәйкес Солтүстік Қазақстан облысының әкімдігі ҚАУЛЫ ЕТЕДІ:

1. Мыналар үшін ұсынылатын ақпарат пен құжаттардың келесі нысандары белгіленсін:

1) осы қаулының 1-қосымшасына сәйкес сақтанушы;

2) осы қаулының 2, 5, 6-қосымшаларына сәйкес сақтандырушы;

3) осы қаулының 3, 4, 5, 6-қосымшаларына сәйкес агент;

4) осы қаулының 2, 5, 6-қосымшаларына сәйкес өсімдік шаруашылығындағы өзара сақтандыру қоғамы.

2. Ақпаратты ұсыну мерзімдері белгіленсін:

1) сақтанушы - осы қаулының 1-қосымшасында белгіленген нысан бойынша «Солтүстік Қазақстан облысының ауыл шаруашылығы басқармасы» мемлекеттік мекемесіне және аудандардың ауыл шаруашылығы бөлімдеріне сақтандырушымен немесе өзара сақтандыру қоғамымен міндетті сақтандыру шартын жасасқаннан кейін бір айдың ішінде;

2) сақтандырушы - 2, 5, 6-қосымшаларда белгіленген нысандар бойынша агентке және осы қаулының 3, 5, 6-қосымшаларындабелгіленген нысандар бойынша «Солтүстік Қазақстан облысының ауыл шаруашылығы басқармасы» мемлекеттік мекемесіне апта сайын;

3) агент - осы қаулының 3, 4, 5, 6-қосымшаларында белгіленген нысандар бойынша «Солтүстік Қазақстан облысының ауыл шаруашылығы басқармасы» мемлекеттік мекемесіне апта сайын;

4) өсімдік шаруашылығындағы өзара сақтандыру қоғамы - 2, 5, 6-қосымшаларда белгіленген нысандар бойынша агентке жәнеосы қаулының 3, 5, 6-қосымшаларында белгіленген нысандар бойынша «Солтүстік Қазақстан облысының ауыл шаруашылығы басқармасы» мемлекеттік мекемесіне апта сайын.