«Көмірсутектерді барлауға және өндіруге немесе өндіруге, сондай-ақ уран өндіруге арналған келісімшарттар бойынша жер қойнауын пайдаланушылардың жергілікті қамту мониторингінің кейбір мәселелері туралы» Қазақстан Республикасы Индустрия және инфрақұрылымдық даму министрінің 2019 жылғы 13 наурыздағы № 133 және Қазақстан Республикасы Энергетика министрінің бірлескен бұйрығы

Көмірсутектерді барлауға және өндіруге немесе өндіруге, сондай-ақ уран өндіруге арналған келісімшарттар бойынша жер қойнауын пайдаланушылардың жергілікті қамту мониторингінің кейбір мәселелері туралы
Қазақстан Республикасы Индустрия және инфрақұрылымдық даму министрінің 2019 жылғы 13 наурыздағы № 133 және Қазақстан Республикасы Энергетика министрінің бірлескен бұйрығы

«Ұйымдар мен мемлекеттік органдар сатып алатын тауарларды, жұмыстарды және қызметтерді сатып алу кезінде қазақстандық қамтудың кейбір мәселелері туралы» Қазақстан Республикасы Президентінің 2009 жылғы 27 қаңтардағы № 733 Жарлығының 1-тармағының 1) тармақшасына, «Құқықтық актілер туралы» 2016 жылғы 6 сәуірдегі Қазақстан Республикасы Заңының 65-бабының 3-тармағына сәйкес, БҰЙЫРАМЫЗ:

1. Қазақстан Республикасы Энергетика министрлігі тоқсан сайын, есептік кезеңнен кейінгі екінші айдың бесінші күнінен кешіктірмей Қазақстан Республикасы Индустрия және инфрақұрылымдық даму министрлігіне Excel форматында электрондық пошта арқылы:

1) осы бірлескен бұйрыққа қосымшаға сәйкес 1-нысан бойынша сатып алынған тауарларды, жұмыстар мен көрсетілетін қызметтерді, сондай-ақ, өспелі қорытындымен олардағы жергілікті қамту көлемі туралы есепті;

2) осы бірлескен бұйрыққа қосымшаға сәйкес 2-нысан бойынша кадрлардағы жергілікті қамту туралы есепті;

3) осы бірлескен бұйрыққа қосымшаға сәйкес 3-нысан бойынша өспелі қорытындымен қазақстандық кадрларды оқытуды қаржыландыру бойынша шығындар туралы есепті;

4) осы бірлескен бұйрыққа қосымшаға сәйкес 6-нысан бойынша жер қойнауын пайдаланушылар бөлінісінде (өнімді бөлу туралы келісім шеңберінде қызметін жүзеге асыратын жер қойнауын пайдаланушылардың сатып алуын есепке алумен) сатып алынған тауарлар, жұмыстар мен көрсетілетін қызметтер туралы жиынтық кестені ұсынсын.