«Қазақстан Республикасының Ұлттық Банкі орталық аппаратының жекелеген бөлімшелерінің және оның аумақтық филиалдарының микроқаржы ұйымдарының қызметі мәселелері бойынша өзара іс-қимыл жасау тәртібін бекіту туралы» Қазақстан Республикасының Ұлттық Банкі Төрағасының 2018 жылғы 22 қаңтардағы № 49 Қаулысы

Қазақстан Республикасының Ұлттық Банкі орталық аппаратының жекелеген бөлімшелерінің және оның аумақтық филиалдарының микроқаржы ұйымдарының қызметі мәселелері бойынша өзара іс-қимыл жасау тәртібін бекіту туралы

Қазақстан Республикасының Ұлттық Банкі Төрағасының 2018 жылғы 22 қаңтардағы № 49 Қаулысы

Қазақстан Республикасының Ұлттық Банкі орталық аппараты бөлімшелерінің және оның аумақтық филиалдарының микроқаржы ұйымдарының қызметі мәселелері бойынша уақытылы және тиімді өзара іс-қимылын қамтамасыз ету мақсатында Қазақстан Республикасы Президентінің 2003 жылғы 31 желтоқсандағы Жарлығымен бекітілген Қазақстан Республикасының Ұлттық Банкі туралы ереженің 29-тармағын басшылыққа ала отырып, ҚАУЛЫ ЕТЕМІН:

1. Қоса берілген Қазақстан Республикасының Ұлттық Банкі орталық аппаратының жекелеген бөлімшелерінің және оның аумақтық филиалдарының микроқаржы ұйымдарының қызметі мәселелері бойынша өзара іс-қимыл жасау тәртібі (бұдан әрі - Тәртіп) бекітілсін.

2. «Қазақстан Республикасының Ұлттық Банкі орталық аппараты бөлімшелерінің және оның аумақтық филиалдарының микроқаржы ұйымдарының қызметі мәселелері бойынша өзара іс-қимыл жасау тәртібін бекіту туралы» Қазақстан Республикасының Ұлттық Банкі Төрағасының 2016 жылғы 30 мамырдағы № 229 бұйрығының күші жойылсын.

3. Осы бұйрық қабылданған күнінен бастап күшіне енеді.

4. Қазақстан Республикасы Ұлттық Банкінің Банктерді қадағалау департаменті (О.Т. Қизатов):

1) осы бұйрыққа қол қойылған күннен бастап жеті күндік мерзімде оны Қазақстан Республикасының Ұлттық Банкі орталық аппаратының мүдделі бөлімшелеріне және оның аумақтық филиалдарына жіберсін;

2) Тәртіпті Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.

5. Осы бұйрықтың орындалуын бақылау Қазақстан Республикасының Ұлттық Банкі Төрағасының орынбасары О.А. Смоляковқа жүктелсін