«Арнаулы әлеуметтік қызмет көрсету саласындағы және мүгедектерді әлеуметтік қорғау аясындағы тексерілетін субъектілерді (объектілерді) тексеру және бару арқылы жүргізілетін бақылау мен қадағалаудың өзге де нысандарының мәселелері бойынша міндетті ведомстволық есептілік нысандарын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 26 маусымдағы № 522, Қазақстан Республикасы Ұлттық экономика министрінің және Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті төрайымының бірлескен бұйрығы

Арнаулы әлеуметтік қызмет көрсету саласындағы және мүгедектерді әлеуметтік қорғау аясындағы тексерілетін субъектілерді (объектілерді) тексеру және бару арқылы жүргізілетін бақылау мен қадағалаудың өзге де нысандарының мәселелері бойынша міндетті ведомстволық есептілік нысандарын бекіту туралы
Қазақстан Республикасы Денсаулық сақтау және әлеуметтік даму министрінің 2015 жылғы 26 маусымдағы № 522, Қазақстан Республикасы Ұлттық экономика министрінің және Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті төрайымының бірлескен бұйрығы

«Қазақстан Республикасындағы мемлекеттік бақылау және қадағалау туралы» 2011 жылғы 6 қаңтардағы Қазақстан Республикасының Заңы 14-бабының 1-тармағын орындау мақсатында БҰЙЫРАМЫЗ:

1. Осы бірлескен бұйрыққа қосымшаға сәйкес арнаулы әлеуметтік қызмет көрсету саласындағы және мүгедектерді әлеуметтік қорғау аясындағы міндетті ведомстволық есептілік нысандары бекітілсін.

2. Қазақстан Республикасы Денсаулық сақтау және әлеуметтік даму министрлігінің Еңбек, әлеуметтік қорғау және көші-қон комитеті (бұдан әрі - Комитет):

1) осы бірлескен бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсында орналастыруды;

2) облыстардың, Астана және Алматы қалаларының бөлінісінде бақылау және қадағалаудың өзге де нысандары туралы деректерді ай сайын, есепті кезеңнен кейінгі айдың 10-күніне Қазақстан Республикасы Денсаулық сақтау және әлеуметтік даму министрлігінің интернет-ресурсында жариялауды қамтамасыз етсін.

3. Комитеттің аумақтық органдары тоқсан сайын, есепті кезеңнен кейінгі айдың 5-күніне арнаулы әлеуметтік қызмет көрсету саласындағы және мүгедектерді әлеуметтік қорғау аясындағы міндетті ведомстволық есептілікті Комитетке ұсынсын.