«Тегін медициналық көмектің кепілдік берілген көлемі шеңберінде Қазақстан Республикасының азаматтарын шетелдік медициналық ұйымдарға емделуге жіберу жөніндегі сараптама комиссиясын құру туралы» Қазақстан Республикасы Денсаулық сақтау министрінің м. а. 2021 жылғы 24 желтоқсандағы № 833 бұйрығы (2023.22.07. берілген өзгерістер мен толықтыруларымен)

Тегін медициналық көмектің кепілдік берілген көлемі шеңберінде Қазақстан Республикасының азаматтарын шетелдік медициналық ұйымдарға емделуге жіберу жөніндегі сараптама комиссиясын құру туралы
Қазақстан Республикасы Денсаулық сақтау министрінің м. а. 2021 жылғы 24 желтоқсандағы № 833 бұйрығы

(2023.22.07. берілген өзгерістер мен толықтыруларымен)

«Қазақстан Республикасы Денсаулық сақтау және Ұлттық экономика министрліктерінің кейбір мәселелері туралы» Қазақстан Республикасы Үкіметінің 2017 жылғы 17 ақпандағы № 71 қаулысымен бекітілген Қазақстан Республикасының Денсаулық сақтау министрлігі туралы ереженің 16-тармағының 121) тармақшасына және Қазақстан Республикасы Денсаулық сақтау министрінің 2021 жылғы 26 мамырдағы № ҚР ДСМ - 45 бұйрығымен (Қазақстан Республикасының нормативтік құқықтық актілерді мемлекеттік тіркеу тізілімінде № 22866 болып тіркелген) бекітілген Тегін медициналық көмектің кепілдік берілген көлемі шеңберінде Қазақстан Республикасының азаматтарын шетелге емделуге жіберу және (немесе) емдеуді отандық медициналық ұйымдарда жүргізу үшін шетелдік мамандарды тарту қағидаларының 17-тармағына сәйкес БҰЙЫРАМЫН:

1. Осы бұйрыққа 1-қосымшаға сәйкес Тегін медициналық көмектің кепілдік берілген көлемі шеңберінде Қазақстан Республикасының азаматтарын шетелге емделуге жіберу жөніндегі сараптама комиссиясы құрылсын.

2. Осы бұйрыққа 2-қосымшаға сәйкес Тегін медициналық көмектің кепілдік берілген көлемі шеңберінде Қазақстан Республикасының азаматтарын шетелге емделуге жіберу жөніндегі сараптама комиссиясының қызметі туралы ереже бекітілсін.

3. «Әлеуметтік медициналық сақтандыру қоры» коммерциялық емес акционерлік қоғамы тегін медициналық көмектің кепілдік берілген көлемі шеңберінде Қазақстан Республикасының азаматтарын шетелге емделуге жіберу жөніндегі сараптама комиссиясының (бұдан әрі - жұмыс орган) жұмыс органы болып белгіленсін.

4. Осы бұйрыққа 3-қосымшаға сәйкес Қазақстан Республикасы Денсаулық сақтау министрлігінің кейбір бұйрықтарының күші жойылсын.