Кыргыз Республикасынын Өкмөтүнүн Аппарат жетекчиси-министринин 2014-жылдын 17-сентябрындагы № 192 буйругу

Кыргыз Республикасынын Өкмөтүнүн Аппарат жетекчиси-министринин 2014-жылдын 17-сентябрындагы № 192 буйругу

Кыргыз Республикасынын Өкмөтүнүн Аппаратынын мамлекеттик кызматчыларынын ишинин майнаптуулугун жана натыйжалуулугун жогорулатуу максатында:

1. Тиркелген: Кыргыз Республикасынын Өкмөтүнүн Аппаратынын мамлекеттик кызматчыларынын ишине баалоо жүргүзүү тартиби жөнүндө жобо бекитилсин.

2. Кыргыз Республикасынын Өкмөтүнүн Аппаратынын түзүмдүк бөлүнүштөрүнүн жетекчилери ушул буйруктун өз убагында аткарылышын камсыз кылышсын.

Кыргыз Республикасынын Өкмөтүнүн

Аппарат жетекчиси-министринин

2014-жылдын 17-сентябрындагы № 192

буйругу менен бекитилген

Республикасынын Өкмөтүнүн Аппаратынын мамлекеттик кызматчыларынын ишине баалоо жүргүзүү тартиби жөнүндө

Жобо

1. Жалпы жоболор

1. Бул Жобо Кыргыз Республикасынын Өкмөтүнүн Аппаратынын мамлекеттик кызматчыларынын (мындан ары - мамкызматчылар) ишине баалоо жүргүзүү тартибин аныктайт.

2. Төмөнкүлөрдүн иштери бааланат:

- Кыргыз Республикасынын Өкмөтүнүн Аппарат (мындан ары - Өкмөттүн Аппараты) жетекчисинин биринчи орун басарынын;

- Өкмөттүн Аппарат жетекчисинин орун басарынын;

- Өкмөттүн Аппаратынын түзүмдүк бөлүнүштөрүнүн жетекчилеринин, түзүмдүк бөлүнүштөрүнүн жетекчилеринин орун басарларынын, сектор башчыларынын;

- Өкмөттүн Аппаратынын инспекторлорунун, эксперттеринин жана референттеринин.

3. Мамкызматчылардын ишин баалоо үчүн маалымат булактары төмөнкүлөр болуп эсептелет:

- отчеттук квартал үчүн түзүмдүк бөлүнүштөрдүн иш-пландарынын аткарылышы жөнүндө Өкмөттүн Аппаратынын түзүмдүк бөлүнүштөрүнүн маалыматы;

- Кыргыз Республикасынын ченемдик укуктук актыларынын аткарылышы жөнүндө маалымат;

- Кыргыз Республикасынын Президентинин, Кыргыз Республикасынын Жогорку Кеңешинин, Кыргыз Республикасынын Өкмөтүнүн жетекчилигинин, Өкмөттүн Аппарат жетекчисинин, Өкмөттүн Аппарат жетекчисинин орун басарларынын чечимдеринин жана тапшырмаларынын аткарылышы жөнүндө маалымат;