«Инвестициялар статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Ұлттық экономика министрлігі Статистика комитетінің төрағасының 2016 жылғы 30 қарашадағы № 288 бұйрығы (күші жойылды)

Инвестициялар статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы
Қазақстан Республикасы Ұлттық экономика министрлігі Статистика комитетінің төрағасының 2016 жылғы 30 қарашадағы № 288 бұйрығы

ҚР Ұлттық экономика министрлігі Статистика комитеті төрағасының 2017 жылғы 13 қарашадағы № 168 бұйрығымен 2018 жылғы 1 қаңтардан бастап күші жойылды

«Мемлекеттік статистика туралы» Қазақстан Республикасының 2010 жылғы 19 наурыздағы Заңының 12-бабының 3) және 8) тармақшаларына, сондай-ақ Қазақстан Республикасы Үкіметінің 2014 жылғы 24 қыркүйектегі № 1011 қаулысымен бекітілген Қазақстан Республикасы Ұлттық экономика министрлігі туралы ереженің 17-тармағы 260) тармақшасына сәйкес, БҰЙЫРАМЫН:

1. Мыналар:

1) «Негізгі капиталға салынған инвестициялар туралы есеп» (коды 161101007, индексі 1-инвест, кезеңділігі айлық) жалпымемлекеттік статистикалық байқаудың статистикалық нысаны осы бұйрықтың 1-қосымшасына сәйкес;

2) «Негізгі капиталға салынған инвестициялар туралы есеп» (коды 161101007, индексі 1-инвест, кезеңділігі айлық) жалпымемлекеттік статистикалық байқаудың статистикалық нысанын толтыру жөніндегі нұсқаулық осы бұйрықтың 2-қосымшасына сәйкес;

3) «Инвестициялық қызмет туралы есеп» (коды 161112008, индексі 1-инвест, кезеңділігі жылдық) жалпымемлекеттік статистикалық байқаудың статистикалық нысаны осы бұйрықтың 3-қосымшасына сәйкес;

4) «Инвестициялық қызмет туралы есеп» (коды 161112008, индексі 1-инвест, кезенділігі жылдық) жалпымемлекеттік статистикалық байқаудың статистикалық нысанын толтыру жөніндегі нұсқаулық осы бұйрықтың 4-қосымшасына сәйкес бекітілсін.