«Жер қойнауын пайдалану саласындағы мемлекеттік көрсетілетін қызметтер регламенттерін бекіту туралы» Солтүстік Қазақстан облысы әкімдігінің 2015 жылғы 04 қыркүйектегі № 342 қаулысына өзгерістер енгізу туралы» Солтүстік Қазақстан облысы әкімдігінің 2015 жылғы 8 желтоқсандағы № 476 Қаулысы (күші жойылды)

«Жер қойнауын пайдалану саласындағы мемлекеттік көрсетілетін қызметтер регламенттерін бекіту туралы» Солтүстік Қазақстан облысы әкімдігінің 2015 жылғы 04 қыркүйектегі № 342 қаулысына өзгерістер енгізу туралы
Солтүстік Қазақстан облысы әкімдігінің 2015 жылғы 8 желтоқсандағы № 476 Қаулысы

Солтүстік Қазақстан облысы әкімдігінің 2019 жылғы 5 қарашадағы № 284 Қаулысымен күші жойылды

«Нормативтік құқықтық актілер туралы» Қазақстан Республикасының 1998 жылғы 24 наурыздағы Заңының 21-бабына сәйкес Солтүстік Қазақстан облысының әкімдігі ҚАУЛЫ ЕТЕДІ:

1. «Жер қойнауын пайдалану саласындағы мемлекеттік көрсетілетін қызметтер регламенттерін бекіту туралы» Солтүстік Қазақстан облысы әкімдігінің 2015 жылғы 04 қыркүйектегі № 342 қаулысына (Нормативті құқықтық актілерді мемлекеттік тіркеу тізімінде № 3401 болып тіркелген, «Әділет» ақпараттық-құқықтық жүйесінде 2015 жылдың 21 қазанында жарияланды) мынадай өзгерістер енгізілсін:

1) «Кең таралған пайдалы қазбаларды барлауға, өндіруге келісімшарттар жасасу, оларды тіркеу және сақтау» мемлекеттік көрсетілетін қызмет регламенті, берілген қаулыда бекітілген, 1-қосымшаға сәйкес жаңа редакцияда жариялансын;

2) «Кең таралған пайдалы қазбаларды барлау және өндіру, барлаумен және өндірумен байланысты емес жерасты құрылыстарын салу және (немесе) пайдалану үшін берілген жер қойнауының учаскелеріне арналған сервитуттарды тіркеу» мемлекеттік көрсетілетін қызмет регламенті, берілген қаулыда бекітілген, 2-қосымшаға сәйкес жаңа редакцияда жариялансын;

3) «Барлаумен немесе өндірумен байланысты емес жерасты құрылыстарын салуға және (немесе) пайдалануға келісімшарттар жасасу» мемлекеттік көрсетілетін қызмет регламенті, берілген қаулыда бекітілген, 3-қосымшаға сәйкес жаңа редакцияда жариялансын;

4) «Болашақ құрылыс учаскесі астындағы жер қойнауында пайдалы қазбалардың жоқтығы немесе оның аз мөлшерде екендігі туралы қорытынды беру» мемлекеттік көрсетілетін қызмет регламенті, берілген қаулыда бекітілген, 4-қосымшаға сәйкес жаңа редакцияда жариялансын;