«Мүгедектер қатарындағы кемтар балаларды үйде оқытуға жұмсаған шығындарын өндіріп алу туралы» Қостанай облысы Арқалық қаласы мәслихатының 2013 жылғы 27 қарашадағы № 140 шешімі (2020.14.05. берілген өзгерістермен) (күші жойылды)

Мүгедектер қатарындағы кемтар балаларды үйде оқытуға жұмсаған шығындарын өндіріп алу туралы
Қостанай облысы Арқалық қаласы мәслихатының 2013 жылғы 27 қарашадағы № 140 шешімі

(2020.14.05. берілген өзгерістермен)

Қостанай облысы Арқалық қаласы мәслихатының 2021 жылғы 28 қазандағы № 64 шешімімен күші жойылды

Қазақстан Республикасының 2002 жылғы 11 шілдедегі «Кемтар балаларды әлеуметтік және медициналық-педагогикалық түзеу арқылы қолдау туралы» Заңының 16-бабының 4) тармақшасына сәйкес Арқалық қалалық мәслихаты ШЕШТІ:

1. Мүгедектер қатарындағы кемтар балаларды (бұдан әрі - кемтар балалар) үйде оқытуға жұмсаған шығындары (бұдан әрі - оқытуға жұмсаған шығындарын өндіріп алу) жеке оқыту жоспары бойынша, тоқсан сайын әр балаға 8 айлық есептік көрсеткіш мөлшерінде көрсетілсін.

Қостанай облысы Арқалық қаласы мәслихатының 2020.14.05. № 314 шешімімен 2-тармақ өзгертілді (бұр.ред.қара)

2. Мыналар:

1) оқытуға жұмсаған шығындарын өндіріп алу «Арқалық қаласы әкімдігінің жұмыспен қамту және әлеуметтік бағдарламалар бөлімі» мемлекеттік мекемесімен (бұдан әрі - уәкілетті орган) жүргізіледі;