(БҰРЫНҒЫ РЕДАКЦИЯ) ПАРТИЯЛЫҚ ТІЗІМДЕР БОЙЫНША САЙЛАНАТЫН ҚАЗАҚСТАН РЕСП...

Партиялық тізімдер бойынша сайланатын Қазақстан Республикасы Парламенті Мәжілісінің депутаттарын сайлау мен Қазақстан Республикасы мәслихаттарының депутаттарын сайлау кезінде бұқаралық ақпарат құралдары арқылы сайлау алдындағы үгітті жүзеге асырудың және ақпараттық қамтамасыз етудің ережесін бекіту туралы
Қазақстан Республикасы Орталық сайлау комиссиясының 2007 жылғы 25 маусымдағы №90/178 қаулысы

(2015.20.10. берілген өзгерістермен)

Осы редакция 2018 жылғы 25 тамызда енгізілген өзгерістеріне дейін қолданылды

ҚР Орталық сайлау комиссиясы төрағасының 2015.20.10. № 43/76 Қаулысымен кіріспе жаңа редакцияда (бұр.ред.қара)

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12, 27 және 28-баптарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қоса беріліп отырған Партиялық тізімдер бойынша сайланатын Қазақстан Республикасы Парламенті Мәжілісінің депутаттарын сайлау мен Қазақстан Республикасы мәслихаттарының депутаттарын сайлау кезінде бұқаралық ақпарат құралдары арқылы сайлау алдындағы үгітті жүзеге асырудың және ақпараттық қамтамасыз етудің ережесі бекітілсін.

2. «Сайлау алдындағы үгітті бұқаралық ақпарат құралдары арқылы іске асырудың және Қазақстан Республикасы Парламенті Мәжілісі депутаттарының сайлауын ақпараттық қамтамасыз етудің ережесін бекіту туралы» Қазақстан Республикасы Орталық сайлау комиссиясының 2004 жылғы 11 тамыздағы  №124/158 қаулысының (Нормативтік құқықтық актілерді мемлекеттік тіркеу тізілімінде тіркелген, тіркеу №3016) күші жойылды деп танылсын.

2. Осы қаулы басшылыққа алу үшін облыстардың, Астана және Алматы қалаларының сайлау комиссияларына жіберілсін.

3. Осы қаулы оның алғаш ресми жарияланған күнінен бастап қолданысқа енгізіледі.