(БҰРЫНҒЫ РЕДАКЦИЯ) «2016 - 2018 ЖЫЛДАРҒА АРНАЛҒАН ОБЛЫСТЫҚ БЮДЖЕТ ТУРАЛ...

2016 - 2018 жылдарға арналған облыстық бюджет туралы
Павлодар облыстық мәслихатының 2015 жылғы 10 желтоқсандағы № 394/46 шешімі

(2016.15.04. берілген өзгерістер мен толықтырулармен)

Осы редакция 2016 жылғы 22 маусымда енгізілген өзгерістеріне дейін қолданылды

Қазақстан Республикасының 2008 жылғы 4 желтоқсандағы Бюджет кодексінің 75-бабы 2-тармағына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағының 1)-тармақшасына сәйкес Павлодар облыстық мәслихаты ШЕШІМ ЕТЕДІ:

Павлодар облыстық мәслихатының 2016.18.02. № 438/49 шешімімен (бұр.ред.қара); 2016.15.03. № 442/50 шешімімен (бұр.ред.қара) 1-тармақ өзгертілді

1. 2016 - 2018 жылдарға арналған облыстық бюджет тиісінше 1, 2 және 3 қосымшаларға сәйкес, соның ішінде 2016 жылға мына көлемдерде бекітілсін:

1) кірістер - 114974534 мың теңге, соның ішінде:

салықтық түсімдер - 28583310 мың теңге;

салықтық емес түсімдер - 1340885 мың теңге;

трансферттердің түсімдері бойынша - 85050339 мың теңге;

2) шығындар - 114662387 мың теңге;

3) таза бюджеттік кредит беру - 1148874 мың теңге, соның ішінде:

бюджеттік кредиттер - 3171223 мың теңге;

бюджеттік кредиттерді өтеу - 2022349 мың теңге;

4) қаржы активтерімен жасалатын операциялар бойынша сальдо - 285787 мың теңге, соның ішінде:

қаржы активтерін сатып алу - 285787 мың теңге;

5) бюджет тапшылығы - -1122514 мың теңге;

6) бюджет тапшылығын қаржыландыру - 1122514 мың теңге.

Павлодар облыстық мәслихатының 2016.15.03. № 442/50 шешімімен 2-тармақ өзгертілді (бұр.ред.қара)

2. Аудандар мен облыстық маңызы бар қалалар бюджеттеріне салықтардан түсетін түсімдердің жалпы сомасын үлестіру 2016 жылға мына мөлшерде белгіленсін:

1) төлем көзінен салық салынбайтын табыстардан ұсталатын жеке табыс салығы бойынша:

Ақтоғай, Баянауыл, Железин, Ертіс, Качир, Лебяжі, Май, Павлодар, Успен, Шарбақты аудандарына, Ақсу, Павлодар, Екібастұз қалаларына - 100 пайыз;

2) төлем көзінен салық салынатын табыстардан ұсталатын және төлем көзінен салық салынбайтын шетелдік азаматтар табыстарынан ұсталатын жеке табыс салығы бойынша: