«Қазақстан Республикасының ересек тұрғындарын профилактикалық қарап-тексеруді кеңейту тәсілдерін әзірлеу жөніндегі жұмыс тобын құру туралы» Қазақстан Республикасы Денсаулық сақтау вице-министрінің 2023 жылғы 21 маусымдағы № 362 бұйрығы

Қазақстан Республикасының ересек тұрғындарын профилактикалық қарап-тексеруді кеңейту тәсілдерін әзірлеу жөніндегі жұмыс тобын құру туралы

Қазақстан Республикасы Денсаулық сақтау вице-министрінің 2023 жылғы 21 маусымдағы № 362 бұйрығы

Қазақстан Республикасы Үкіметінің 2017 жылғы 17 ақпанындағы № 71 қаулысымен бекітілген Қазақстан Республикасы Денсаулық сақтау министрлігі туралы ереженің 15-тармағының 101) тармақшасына, «Қазақстан Республикасының Денсаулық сақтау министрі, аппарат басшысы, бірінші вице-министрі және вице-министрлерінің арасында міндеттерді бөлу туралы» Қазақстан Республикасы Денсаулық сақтау министрінің 2020 жылғы 28 қыркүйектегі № 842 бұйрығына сәйкес БҰЙЫРАМЫН:

1. Осы бұйрыққа қосымшаға сәйкес Қазақстан Республикасының ересек тұрғындарын профилактикалық қарап-тексеруді кеңейту тәсілдерін әзірлеу жөніндегі жұмыс тобы (бұдан әрі - жұмыс тобы) құрылсын.

2. Жұмыс тобына:

1) 2023 жылғы 5 шілдеге дейін ауыл халқына профилактикалық қарап-тексерулер жүргізудің тиімділігі бойынша талдамалық анықтаманы енгізсін;

2) 2023 жылғы 14 шілдеге дейін ересек тұрғындардың профилактикалық қарап-тексерулерін кеңейту бойынша тәсілдерді әзірлесін;

3) Нәтижелері туралы ақпарат Министрлікке 2023 жылғы 17 шілдеден кешіктірілмей енгізілсін.

3. Осы бұйрықтың орындалуын бақылауды өзіме қалдырамын.

4. Осы бұйрық қол қойылған күнінен бастап қолданысқа енгізіледі.

Қазақстан Республикасы

Денсаулық сақтау

вице-министрінің

2023 жылғы 21 маусымдағы

№ 362 бұйрығына

қосымша

Қазақстан Республикасының ересек тұрғындарының

профилактикалық қарап-тексерулерін кеңейту тәсілдерін әзірлеу

жөніндегі жұмыс тобының құрамы