«Қазақстан Республикасы Ішкі істер министрлігінің 2023-2027 жылдарға арналған даму жоспарын бекіту туралы» Қазақстан Республикасы Ішкі істер министрінің 2022 жылғы 27 желтоқсандағы № 1007 бұйрығы (2023.27.12. берілген өзгерістер мен толықтырулармен)

Қазақстан Республикасы Ішкі істер министрлігінің 2023-2027 жылдарға арналған даму жоспарын бекіту туралы
Қазақстан Республикасы Ішкі істер министрінің 2022 жылғы 27 желтоқсандағы № 1007 бұйрығы

(2023.27.12. берілген өзгерістер мен толықтырулармен)

Қазақстан Республикасының 2008 жылғы 4 желтоқсандағы Бюджет кодексінің 66-бабына және Қазақстан Республикасы Үкіметінің 2017 жылғы 29 қарашадағы № 790 қаулысымен бекітілген Қазақстан Республикасындағы Мемлекеттік жоспарлау жүйесіне сәйкес БҰЙЫРАМЫН:

1. Қоса беріліп отырған Қазақстан Республикасы Ішкі істер министрлігінің (бұдан әрі - ІІМ) 2023-2027 жылдарға арналған даму жоспары (бұдан әрі - ІІМ-нің Даму жоспары) бекітілсін.

2. Министрдің орынбасарлары, Ұлттық ұлан Бас қолбасшылығының Бас штабы, министрліктің комитеттерінің төрағалары, департаменттерінің, дербес басқармаларының, полиция департаменттерінің, қылмыстық-атқару жүйесінің, ведомстволық оқу орындарының бастықтары ІІМ Даму жоспарының нысаналы индикаторларының көрсеткіштеріне қол жеткізу бойынша ұйымдастырушылық және практикалық шаралар кешенін белгілесін және іске асырсын.

3. ІІМ-нің Штабы және Идеологиялық және имидждік жұмыс департаменті:

1) Қазақстан Республикасының заңнамасында белгіленген тәртіпте осы бұйрықты ІІМ веб-порталында орналастыруды;

2) жыл сайын есепті жылдан кейінгі жылдың 15 ақпанынан кешіктірмей Даму жоспарын іске асыру туралы есепті дайындауды және оны ІІМ веб-порталында орналастыруды қамтамасыз етсін.

4. «Қазақстан Республикасы Ішкі істер министрлігінің 2020-2024 жылдарға арналған Стратегиялық жоспарын бекіту туралы» Қазақстан Республикасы Ішкі істер министрінің 2019 жылғы 19 желтоқсандағы № 086 бұйрығының күші жойылсын.

5. Осы бұйрық 2023 жылғы 1 қаңтардан бастап қолданысқа енгізіледі және таратылуы тиіс.

«КЕЛІСІЛДІ» «КЕЛІСІЛДІ»

Қазақстан Республикасы Қазақстан Республикасы

Қаржы министрлігі Ұлттық экономика министрлігі

20___жылғы «___»___________ 20___ жылғы «___»____________

Қазақстан Республикасы

Ішкі істер министрінің

2022 жылғы 27 желтоқсандағы

№ 1007 бұйрығына

қосымша