«Қазақстан Республикасының кейбір конституциялық заңдарына өзгерістер мен толықтырулар енгізу туралы» Қазақстан Республикасының 2022 жылғы 30 желтоқсандағы № 176-VІІ Конституциялық Заңы

ҚАЗАҚСТАН РЕСПУБЛИКАСЫНЫҢ

КОНСТИТУЦИЯЛЫҚ ЗАҢЫ

Қазақстан Республикасының кейбір конституциялық заңдарына

өзгерістер мен толықтырулар енгізу туралы

1-бап. Қазақстан Республикасының мына конституциялық заңдарына өзгерістер мен толықтырулар енгізілсін:

1. «Қазақстан Республикасының сот жүйесі мен судьяларының мәртебесі туралы» 2000 жылғы 25 желтоқсандағы Қазақстан Республикасының Конституциялық заңына:

1) 6-баптың 3-тармағы мынадай редакцияда жазылсын:

«3. Жоғарғы Сот Төрағасы сот әкімшілігі саласындағы уәкілетті мемлекеттік органның (бұдан әрі - уәкілетті орган) ұсынуы негізінде Жоғары Сот Кеңесімен келісу бойынша әрбір аудандық сот үшін судьялардың санын белгілейді.»;

2) 9-баптың 1-тармағының 2) тармақшасы алып тасталсын;

3) 12-баптың 4) тармақшасы алып тасталсын;

4) 14-баптың 1-тармағының 9) тармақшасы алып тасталсын;

5) 16-баптың 1-тармағының 5) және 8) тармақшалары алып тасталсын;

6) 20-баптың 1-тармағының 9-1) және 9-2) тармақшалары мынадай редакцияда жазылсын:

«9-1) Қазақстан Республикасының Президенті бекіткен штат саны лимитінің шегінде уәкілетті органның құрылымын және штат кестесін Қазақстан Республикасының заңнамасында белгіленген тәртіппен келіседі;

9-2) Қазақстан Республикасының Президентіне уәкілетті органның басшысын тағайындау туралы ұсыну енгізеді және Қазақстан Республикасының заңнамасында белгіленген тәртіппен уәкілетті орган басшысының орынбасарларын лауазымға тағайындайды және лауазымнан босатады;»;

7) 22-баптың 2-1-тармағының бірінші бөлігі мынадай мазмұндағы 1-1) тармақшамен толықтырылсын:

«1-1) судьялардың еңбегіне ақы төлеу шарттарын бекітеді;»;

8) 29-1-баптың 2-тармағы мынадай редакцияда жазылсын:

«2. Судьяның кәсіптік міндеттерін атқаруына кедергі келтіретін аурулардың тізбесі уәкілетті орган мен денсаулық сақтау саласындағы уәкілетті органның бірлескен нормативтік құқықтық актісінде белгіленеді.»;

9) 4-бөлімнің тақырыбы мынадай редакцияда жазылсын:

«4-бөлім. Сот әкімшілігі»;

10) 56-бап мынадай редакцияда жазылсын:

«56-бап. Сот әкімшілігі