Жалпақ металл бұйымдар
RA БҰДЫРЛЫҒЫНЫҢ ОРТАША ШАМАСЫН ЖӘНЕ RPC ШЕКТІК САНЫН ӨЛШЕУ

ҚР СТ EN 10049-2016

(EN 10049 -2013 «Мeasurement of roughness average Ra and peak count RPc on metallic flat products» IDT)

Мазмұны

1 Қолданылу саласы

2 Нормативтік сілтемелер

3 Терминдер мен анықтамалар

4 Өлшеу аспаптары

5 Үлгіні дайындау

6 Өлшеу шарттары

7 Сынақ хаттамасы

Библиография

SUB1001 Қолданылу саласы

Осы стандарт 3.1-тармағы бойынша жабынсыз (суық және ыстық біліктелген декапирленген болат) немесе жабынды (мысалы мырыш, алюминий, қалайы, хром) металл жалтырлы жалпақ металл өнімдер бетінің бұдырлық параметрлері үшін өлшеулер шартын анықтайды.

2 Нормативтік сілтемелер

Осы стандартты қолдану үшін мынадай сілтеме нормативтік құжаттар қажет. Күні белгіленген сілтемелер үшін сілтеме нормативтік құжаттың көрсетілген басылымын ғана, күні белгіленбеген сілтемелер үшін (барлық өзгерістерін қоса) сілтеме құжаттың соңғы басылымын қолданады:

EN ISO 5436-1:2000 Geometrical Product Specifications (GPS) — Surface texture: Profile method; Measurement standards — Part 1: Material measures (ISO 5436-1) (Өнімнің геометриялық параметрлері (ӨГП). Бет текстурасы: пішіндік әдіс. Эталондар. 1-бөлік. Материалдық шамалар)

EN ISO 16610-21:2011 Geometrical product specifications (GPS) — Filtration — Part 21: Linear profile filters: Gaussian filters (ISO 16610-21) (Бұйымның геометриялық сипаттамалары (GPS). Сүзу. 21-бөлік. Желілік пішіндік сүзгілер. Гаусс сүзгіштері).

3 Терминдер мен анықтамалар

Осы құжат мақсаттары үшін мынадай терминдер мен анықтамалар қолданылады.

3.1 Өнімді қолдану тобы

3.1.1 Өнімді қолдану тобы 1 (Application group 1 product): автомобиль өнеркәсібінде қолданылатын, металл жылтыр жабылған немесе жабылмаған жалпақ металл өнімдер (мысалы мырыш, алюминий).

3.1.2 Өнімді қолдану тобы 2 (Application group 2 product): автомобильден басқа өнеркәсіптік басқа салаларында қолданылатын жалпақ металл өнімдер (мысалы қалайыланған бет темір немесе орауға арналған хром жабылған темір, жабынды немесе жабынсыз салқын білікті темір, декапирленген ыстық жаншып қапталған темір).

3.2 Бет пішіні (Surface profile): шынайы беттің нақты жазықтықпен қиылысу нәтижесі болып табылатын бет.

Ескертпе EN ISO 4287 қара.