«Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы, жергілікті атқарушы органдардан берілетін жекелеген санаттағы мұқтаж азаматтарға арналған әлеуметтік көмек төлеу жөніндегі пилоттық жобаны іске асыру туралы» Қазақстан Республикасы Цифрлық даму, инновациялар және аэроғарыш өнеркәсібі министрінің 2022 жылғы 11 қазандағы № 379/НҚ және Қазақстан Республикасы Еңбек және халықты әлеуметтік қорғау министрінің 2022 жылғы 10 қазандағы № 414 бірлескен бұйрығы (2022.30.12. берілген өзгерістермен)

«Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы, жергілікті атқарушы органдардан берілетін жекелеген санаттағы мұқтаж азаматтарға арналған әлеуметтік көмек төлеу жөніндегі пилоттық жобаны іске асыру туралы

Қазақстан Республикасы Цифрлық даму, инновациялар және аэроғарыш өнеркәсібі министрінің 2022 жылғы 11 қазандағы № 379/НҚ және Қазақстан Республикасы Еңбек және халықты әлеуметтік қорғау министрінің 2022 жылғы 10 қазандағы № 414 бірлескен бұйрығы

(2022.30.12. берілген өзгерістермен)

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 22-бабына сәйкес БҰЙЫРАМЫЗ:

1. Павлодар облысының аумағында тұратын алушыларға «Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы, жергілікті атқарушы органдардан берілетін жекелеген санаттағы мұқтаж азаматтарға арналған әлеуметтік көмек төлеу жөніндегі пилоттық жоба іске (бұдан әрі - пилоттық жоба) қосылсын.

2. Осы бұйрықтың 1 қосымшасына сәйкес «Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы, жергілікті атқарушы органдардан берілетін жекелеген санаттағы мұқтаж азаматтарға арналған әлеуметтік көмек төлеу жөніндегі пилоттық жобаны іске асыру кезінде мемлекеттік органдар мен ұйымдардың өзара іс-қимыл алгоритмі бекітілсін.

3. Пилоттық жобаны іске асыру кезінде, жергілікті атқарушы органдардан берілетін жекелеген санаттағы мұқтаж азаматтарға арналған әлеуметтік көмек түрлерінің тізбесі осы бұйрықтың 2 қосымшасына сәйкес бекітілсін.

4. Ұйымдар (келісім бойынша) дербес деректерге қол жеткізуді бақылаудың мемлекеттік сервисі арқылы дербес деректер субъектісінің немесе оның заңды өкілінің келісімін алуды қамтамасыз етсін.

5. Ұйымдар Қазақстан Республикасы Цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитетімен дербес деректерге қол жеткізуді бақылаудың мемлекеттік сервисіне қол жеткізу туралы келісім жасассын.