(БҰРЫНҒЫ РЕДАКЦИЯ) «СПОРТТЫҚ АТАҚТАРДЫ, РАЗРЯДТАРДЫ ЖӘНЕ БІЛІКТІЛІК САН...

Спорттық атақтарды, разрядтарды және біліктілік санаттарына беру нормалары мен талаптарын бекіту туралы

Қазақстан Республикасы мәдениет және спорт министрлігінің 2014 жылғы 28 қазандағы № 56 бұйрығы

(2021.12.05. берілген өзгерістер мен толықтыруларымен)

Осы редакция 2022 жылғы 1 желтоқсанда енгізілген өзгерістеріне дейін қолданылды

«Дене шынықтыру және спорт туралы» 2014 жылғы 3 шілдедегі Қазақстан Республикасының Заңының 7-бабы 21) тармақшасына сәйкес бұйырамын:

1. Осы бұйрыққа қосымшаға сәйкес Спорттық атақтарды, разрядтарды және біліктілік санаттарын беру нормалары мен талаптары бекітілсін.

2. Қазақстан Республикасы Мәдениет және спорт министрлігі Спорт және дене шынықтыру істері комитеті (Е.Б.Қанағатов) заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықтың азақстан Республикасы Әділет министрлігінде мемлекеттік тіркеуден өткеннен кейін мерзімді баспа басылымдарында, «Әділет» ақпараттық-құқықтық жүйесінде жариялануын;

3) Қазақстан Республикасы Мәдениет және спорт министрлігінің интернет-ресурсында орналастырылуын қамтамсыз етсін.

3. «Спортшылар үшін төрт жылдық (олимпиадалық) кезеңге біліктілік талаптарын бекіту туралы» Қазақстан Республикасы Спорт және дене шынықтыру істері агенттігі төрағасының 2013 жылғы 23 тамыздағы № 303 бұйрығының (Нормативтік құқықтық актілерді мемлекеттік тіркеу тізілімінде № 8717 тіркелген, «Егемен Қазақстан» 2013 жылғы 26 қыркүйектегі № 220 (28159), «Казахстанская правда» 2013 жылғы 26 қыркүйектегі № 282 (27556) сандарында жарияланған) күші жойылды деп танылсын.

4. Осы бұйрықтың орындалуын бақылауды өзіме қалдырамын.

5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

ҚР Мәдениет және спорт министрінің 2020.12.08. № 231 бұйрығымен (бұр.ред.қара); ҚР Мәдениет және спорт министрінің м.а. 2021.12.05. № 141 бұйрығымен (бұр.ред.қара) нормалары мен талаптары өзгертілді

Қазақстан Республикасы

Мәдениет және спорт министрінің м.а.