«Коммуналдық қалдықтардың түзілу және жинақталу нормаларын есептеу қағидаларын бекіту туралы» Солтүстік Қазақстан облысы әкімдігінің 2016 жылғы 29 ақпандағы № 62 Қаулысы (2019.12.11. берілген өзгерістермен) (күші жойылды)

Коммуналдық қалдықтардың түзілу және жинақталу нормаларын есептеу қағидаларын бекіту туралы
Солтүстік Қазақстан облысы әкімдігінің 2016 жылғы 29 ақпандағы № 62 Қаулысы

(2019.12.11. берілген өзгерістермен)

Солтүстік Қазақстан облысы әкімдігінің 2021 жылғы 27 қазандағы № 226 Қаулысымен күші жойылды

Қазақстан Республикасының 2007 жылғы 9 қаңтардағы Экологиялық кодексінің 20-бабы 17-3) тармақшасына сәйкес, Солтүстік Қазақстан облысының әкімдігі ҚАУЛЫ ЕТЕДІ:

1. Қоса берілген Коммуналдық қалдықтардың түзілу және жинақталу нормаларын есептеу қағидалары бекітілсін.

2. Осы қаулының орындалуын бақылау облыс әкімінің жетекшілік ететін орынбасарына жүктелсін.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Солтүстік Қазақстан облысы әкімдігінің

2016 жылғы 29 ақпандағы

№ 62 қаулысымен бекітілген

Солтүстік Қазақстан облысы әкімдігінің 2017.05.04. № 135 Қаулысымен тақырыбы жаңа редакцияда (бұр.ред.қара)

Коммуналдық қалдықтардың түзілу және жинақталу нормаларын есептеу

қағидалары

1. Жалпы ережелер

1. Осы Қағидалары Солтүстік Қазақстан облысында коммуналдық қалдықтардың түзілу және жинақталу нормаларын есептеудің (бұдан әрі - Қағидалар) Қазақстан Республикасының 2007 жылғы 9 қаңтардағы Экологиялық кодексінің 20-бабының 17-3) тармақшасына және Қазақстан Республикасы Энергетика министрінің «Коммуналдық қалдықтардың түзілу және жинақталу нормаларын есептеудің үлгілік қағидаларын бекіту туралы» 2014 жылғы 25 қарашадағы № 145 бұйрығына сәйкес әзірленді (Нормативтік құқықтық актілерді мемлекеттік тіркеу тізілімінде № 10030 болып тіркелген) және Солтүстік Қазақстан облысында коммуналдық қалдықтардың түзілу және жинақталу нормаларын есептеудің тәртібін айқындайды.