«Мемлекеттік қызметтер көрсету саласындағы заңнаманың сақталуы бойынша тәуекел дәрежесін бағалау критерийлерін және тексеру парағын бекіту туралы» Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018 жылғы 31 қазандағы № 253 және Қазақстан Республикасы Ұлттық экономика министрінің 2018 жылғы 31 қазандағы № 51 бірлескен бұйрығы (2021.02.11. берілген өзгерістермен) (күші жойылды)

Мемлекеттік қызметтер көрсету саласындағы заңнаманың сақталуы бойынша тәуекел дәрежесін бағалау критерийлерін және тексеру парағын бекіту туралы
Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018 жылғы 31 қазандағы № 253 және Қазақстан Республикасы Ұлттық экономика министрінің 2018 жылғы 31 қазандағы № 51 бірлескен бұйрығы

(2021.02.11. берілген өзгерістермен)

ҚР Мемлекеттік қызмет істері агенттігі Төрағасының 2022 жылғы 23 қарашадағы № 233 және ҚР Ұлттық экономика министрінің 2022 жылғы 25 қарашадағы № 89 бірлескен бұйрығымен күші жойылды

БҰЙЫРАМЫЗ:

ҚР Мемлекеттік қызмет істері агенттігі төрағасының 2021.01.11. № 190 және ҚР Ұлттық экономика министрінің 2021.02.11. № 99 бірлескен бұйрығымен 1-тармақ өзгертілді (бұр.ред.қара)

1. Қоса берілген:

1) Мемлекеттік қызметтер көрсету саласындағы заңнаманың сақталуы бойынша тәуекел дәрежесін бағалау критерийлері осы бірлескен бұйрықтың 1-қосымшасына сәйкес;

2) Мемлекеттік қызметтер көрсету саласында «Мемлекеттік көрсетілетін қызметтер туралы» Қазақстан Республикасы Заңының, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 8 желтоқсандағы № 78 бұйрығымен бекітілген Мемлекеттік қызметтер көрсету сапасын мемлекеттік бақылау қағидаларының (Нормативтік құқықтық актілерді мемлекеттік тіркеу тізілімінде № 14740 болып тіркелген), мемлекеттік қызмет көрсету тәртібін айқындайтын заңға тәуелді нормативтік құқықтық актілерінің талаптарын сақтау бойынша тексеру парағы осы бірлескен бұйрыққа 2-қосымшаға сәйкес бекітілсін.