(БҰРЫНҒЫ РЕДАКЦИЯ) «ЕКІНШІ ДЕҢГЕЙДЕГІ БАНКТЕР ЕСЕПТІЛІГІНІҢ ТІЗБЕСІН, Н...

Екінші деңгейдегі банктер есептілігінің тізбесін, нысандарын, мерзімдерін және оны ұсыну қағидаларын бекіту туралы
Қазақстан Республикасы Ұлттық Банкі Басқармасының 2020 жылғы 21 сәуірдегі № 54 Қаулысы

Осы редакция 2021 жылғы 26 сәуірде енгізілген өзгерістеріне дейін қолданылды

«Қазақстан Республикасының Ұлттық Банкі туралы» 1995 жылғы 30 наурыздағы, «Қазақстан Республикасындағы банктер және банк қызметі туралы» 1995 жылғы 31 тамыздағы және «Мемлекеттік статистика туралы» 2010 жылғы 19 наурыздағы Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1. Мыналар:

1) осы қаулыға 1-қосымшаға сәйкес екінші деңгейдегі банктер есептілігінің тізбесі;

2) осы қаулыға 2-қосымшаға сәйкес екінші деңгейдегі банктің баланстық және баланстан тыс шоттарындағы қалдықтар туралы есептің нысаны;

3) осы қаулыға 3-қосымшаға сәйкес қосымша мәліметтер туралы есептің нысаны;

4) осы қаулыға 4-қосымшаға сәйкес шартты активтер мен шартты міндеттемелер туралы есептің нысаны;

5) осы қаулыға 5-қосымшаға сәйкес банкаралық активтер және міндеттемелер, сондай-ақ шартты және ықтимал талаптар мен міндеттемелер бойынша есептің нысаны;

6) осы қаулыға 6-қосымшаға сәйкес бағалы қағаздар портфелінің құрылымы туралы есептің нысаны;

7) осы қаулыға 7-қосымшаға сәйкес екінші деңгейдегі банктің, сондай-ақ ислам банкінің басқа заңды тұлғалардың капиталына инвестициялары туралы есептің нысаны;

8) осы қаулыға 8-қосымшаға сәйкес активтердің және шартты міндеттемелердің құрылымы туралы есептің нысаны;

9) осы қаулыға 9-қосымшаға сәйкес қарыздар, оның ішінде толық көрсетілген негізгі борыш және (немесе) есептелген сыйақы бойынша мерзімі өткен берешегі бар қарыздар туралы есептің нысаны;

10) осы қаулыға 10-қосымшаға сәйкес екінші деңгейдегі банкпен ерекше қатынастар арқылы байланысты тұлғалармен есепті ай ішінде жасалған, сондай-ақ есепті күнге қолданыстағы мәмілелер туралы есептің нысаны;