«Ғылым мен технологияның ең өзекті мәселелері бойынша сараптамалық-талдамалық материалдарды ұсынудың құрылымы, форматы мен тақырыбын бекіту туралы» Қазақстан Республикасы Ғылым және жоғары білім министрінің 2023 жылғы 2 қарашадағы № 558 бұйрығы

Ғылым мен технологияның ең өзекті мәселелері бойынша сараптамалық-талдамалық материалдарды ұсынудың құрылымы, форматы мен тақырыбын бекіту туралы
Қазақстан Республикасы Ғылым және жоғары білім министрінің 2023 жылғы 2 қарашадағы № 558 бұйрығы

«Қазақстан Республикасы Ғылым және жоғары білім министрлігінің кейбір мәселелері туралы» Қазақстан Республикасы Үкіметінің 2022 жылғы 19 тамыздағы № 580 қаулысының 15-тармағының 115-1) тармақшасына сәйкес, сондай-ақ Қазақстан Республикасы Президентінің жанындағы Ғылым және технологиялар жөніндегі ұлттық кеңестің 2023 жылғы 12 сәуірдегі отырысында берілген Қазақстан Республикасы Президентінің хаттамалық тапсырмасының 6.3-тармағын орындау үшін БҰЙЫРАМЫН:

1. Ғылым мен технологияның ең өзекті мәселелері бойынша сараптамалық-талдамалық материалдарды ұсынудың құрылымы мен форматы осы бұйрыққа 1-қосымшаға сәйкес бекітілсін;

2. Ғылым мен технологияның ең өзекті мәселелері бойынша сараптамалық-талдамалық материалдардың тақырыбы осы бұйрыққа 2-қосымшаға сәйкес бекітілсін;

3. Қазақстан Республикасы Ғылым және жоғары білім министрлігінің Ғылым комитеті осы бұйрықтан туындайтын тиісті шараларды қабылдасын.

4. Осы бұйрықтың орындалуын бақылау жетекшілік ететін Қазақстан Республикасы Ғылым және жоғары білім вице-министріне жүктелсін.

5. Осы бұйрық қол қойылған күнінен бастап күшіне енеді.

Қазақстан Республикасы

Ғылым және жоғары білім

министрінің

2023 жылғы 2 қарашадағы

№ 558 бұйрығына

1-қосымша

Ғылым мен технологияның ең өзекті мәселелері бойынша

сараптамалық-талдамалық материалдарды ұсынудың

құрылымы мен форматы

Сараптамалық-талдамалық материал келесі өлшемшарттарға сәйкес болуы керек:

1) талдау шеңбері қазақстандық және халықаралық тәжірибені ескере отырып айқындалуы керек;

2) құжат бар проблемаларды талқылауға және олардың себептерін анықтауға бағытталуы қажет;