(БҰРЫНҒЫ РЕДАКЦИЯ) «ӨСІМДІКТЕРДІ ҚОРҒАУ САЛАСЫНДАҒЫ ТӘУЕКЕЛ ДӘРЕЖЕСІН Б...

Өсімдіктерді қорғау саласындағы тәуекел дәрежесін бағалау өлшемшарттарын және тексеру парақтарын бекіту туралы

Қазақстан Республикасы Ауыл шаруашылығы министрінің 2015 жылғы 28 желтоқсандағы № 15-05/1135 және Қазақстан Республикасы Ұлттық экономика министрінің 2015 жылғы 29 желтоқсандағы № 821 бірлескен бұйрығы

(2021.06.04. берілген өзгерістер мен толықтырулармен)

Осы редакция 2023 жылғы 15 ақпанда енгізілген өзгерістеріне дейін қолданылды

ҚР Премьер-Министрінің орынбасары - ҚР Ауыл шаруашылығы министрінің 2019.11.01. № 7 және ҚР Ұлттық экономика министрінің 2019.11.01. № 5 бірлескен бұйрығымен тақырыбы жаңа редакцияда (бұр.ред.қара)

2015 жылғы 29 қазандағы Қазақстан Республикасының Кәсіпкерлік кодексі 141-бабының 2-тармағына және 143-бабының 1-тармағына сәйкес БҰЙЫРАМЫЗ:

ҚР Премьер-Министрінің орынбасары - ҚР Ауыл шаруашылығы министрінің 2019.11.01. № 7 және ҚР Ұлттық экономика министрінің 2019.11.01. № 5 бірлескен бұйрығымен (бұр.ред.қара); ҚР Ауыл шаруашылығы министрінің 2021.05.04. № 108 және ҚР Ұлттық экономика министрінің 2021.06.04. № 37 бірлескен бұйрығымен (бұр.ред.қара) 1-тармақ жаңа редакцияда

1. Мыналар:

1) осы бірлескен бұйрыққа 1-қосымшаға сәйкес өсімдіктерді қорғау саласындағы тәуекел дәрежесін бағалау өлшемшарттары;

2) осы бірлескен бұйрыққа 2-қосымшаға сәйкес ауыл шаруашылығы мақсатындағы объектілерде, сондай-ақ автомобиль, теміржол жолдарының бөлінетін жолақтары мен қорғау аймағында және зиянды және аса қауіпті зиянды организмдердің мекендеу орындары болып табылатын басқа да аумақтарда қызметін жүзеге асыратын бақылау субъектілеріне (объектілеріне) қатысты өсімдіктерді қорғау саласындағы тексеру парағы;

3) осы бірлескен бұйрыққа 3-қосымшаға сәйкес өсімдіктерді қорғау саласында заңнамамен бекітілген фитосанитариялық есепке алу нысандарына сәйкес фитосанитариялық есептілікті ұсынуды, сол сияқты уақытылы ұсынуды жүзеге асыратын бақылау субъектілеріне (объектілеріне) қатысты өсімдіктерді қорғау саласындағы тексеру парағы;