«Қалалық және ауылдық елді мекендердегі, өнеркәсіптік ұйымдар аумақтарындағы атмосфералық ауаның гигиеналық нормативтерін бекіту туралы» Қазақстан Республикасы Денсаулық сақтау министрінің 2022 жылғы 2 тамыздағы № ҚР ДСМ-70 бұйрығы (2025.07.03. берілген өзгерістермен)

Қалалық және ауылдық елді мекендердегі, өнеркәсіптік ұйымдар аумақтарындағы атмосфералық ауаның гигиеналық нормативтерін бекіту туралы
Қазақстан Республикасы Денсаулық сақтау министрінің 2022 жылғы 2 тамыздағы № ҚР ДСМ-70 бұйрығы

(2025.07.03. берілген өзгерістермен)

ҚР Денсаулық сақтау министрінің 2025.18.02. № 10 бұйрығымен кіріспе жаңа редакцияда (2025 ж. 7 наурыздан бастап қолданысқа енгізілді) (бұр.ред.қара)

Қазақстан Республикасы «Халық денсаулығы және денсаулық сақтау жүйесі» туралы Кодексінің 95-бабы 3-тармағының 3) тармақшасына және Қазақстан Республикасы Үкіметінің 2017 жылғы 17 ақпандағы № 71 қаулысымен бекітілген Қазақстан Республикасының Денсаулық сақтау министрлігі туралы ереженің 15-тармағының 113) тармақшасына сәйкес БҰЙЫРАМЫН:

1. Қоса беріліп отырған:

1) осы бұйрыққа 1-қосымшаға сәйкес қалалық және ауылдық елді мекендердің атмосфералық ауасындағы ластаушы заттардың рұқсат етілетін шекті шоғырлануы;

2) осы бұйрыққа 2-қосымшаға сәйкес жұмыс аймағының ауасындағы зиянды заттардың рұқсат етілетін шекті шоғырлануы;

3) осы бұйрыққа 3-қосымшаға сәйкес қоршаған орта объектілеріндегі сұйық зымыран отындары компоненттерінің және олардың трансформациялану өнімдерінің рұқсат етілетін шекті шоғырлануы бекітілсін.

2. «Қалалық және ауылдық елді мекендердегі атмосфералық ауасының гигиеналық нормативтерін бекіту туралы» Қазақстан Республикасы Ұлттық экономика министрінің 2015 жылғы 28 ақпандағы № 168 бұйрығының (Нормативтік құқықтық актілерді мемлекеттік тіркеу тізілімінде № 11036 болып тіркелген) күші жойылды деп танылсын.

3. Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Денсаулық сақтау министрлігінің интернет-ресурсында орналастыруды;