«Құрамында есірткі құралдары, психотроптық заттар мен прекурсорлар бар тауарлардың экспорты мен импортына лицензия беру» мемлекеттік көрсетілетін қызмет стандарты (Қазақстан Республикасы Ішкі істер министрінің 2015 жылғы 9 сәуірдегі № 329 бұйрығына 2-қосымша) (2018.30.11. берілген өзгерістер мен толықтырулармен) (күші жойылды)

ҚР Ішкі істер министрінің 2020 жылғы 31 наурыздағы № 276 бұйрығымен күші жойылды

Қазақстан Республикасы

Ішкі істер министрінің

2015 жылғы 9 сәуірдегі

№ 329 бұйрығына 2-қосымша

«Құрамында есірткі құралдары, психотроптық заттар мен прекурсорлар бар тауарлардың экспорты мен импортына лицензия беру»

мемлекеттік көрсетілетін қызмет стандарты

(2018.30.11. берілген өзгерістер мен толықтырулармен)

ҚР Ішкі істер министрінің 2018.30.11. № 871 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

ҚР Ішкі істер министрінің 2018.30.11. № 871 бұйрығымен 1-тармақ жаңа редакцияда (бұр.ред.қара)

1. «Құрамында есірткі құралдары, психотроптық заттар мен прекурсорлар бар тауарлардың экспорты мен импортына лицензия беру» мемлекеттік көрсетілетін қызмет (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Ішкі істер министрлігі (бұдан әрі - Министрлік) әзірледі.

ҚР Ішкі істер министрінің 2018.30.11. № 871 бұйрығымен 3-тармақ жаңа редакцияда (бұр.ред.қара)

3. Мемлекеттік қызметті Ішкі істер министрлігі (бұдан әрі - көрсетілетін қызметті беруші) көрсетеді.

Өтінішті қабылдау және мемлекеттік қызметті көрсету нәтижесін беру «электрондық үкіметтің» www.egov.kz веб-порталы (бұдан әрі - портал) арқылы жүзеге асырылады.

ҚР Ішкі істер министрінің 2018.30.11. № 871 бұйрығымен 2-тараудың тақырыбы жаңа редакцияда (бұр.ред.қара)

2-тарау. Мемлекеттік қызметті көрсету тәртібі

ҚР Ішкі істер министрінің 2018.30.11. № 871 бұйрығымен 4-тармақ жаңа редакцияда (бұр.ред.қара)

4. Көрсетілетін қызметті алушы порталға жүгінген күннен бастап мемлекеттік қызметті көрсету мерзімі:

лицензияны беру - 3 (үш) жұмыс күні;

лицензияны қайта рәсімдеу - 2 (екі) жұмыс күні.

Көрсетілетін қызметті беруші көрсетілетін қызметті алушының құжаттарын алған күннен бастап екі жұмыс күні ішінде ұсынылған құжаттардың толықтығын тексереді.

Ұсынылған құжаттардың толық болмау фактісі анықталған жағдайда көрсетілген мерзімдерде өтінішті одан әрі қараудан дәлелді бас тартады.