«Қазақстан Республикасы Ауыл шаруашылығы министрлігінде иесі бүркемеленген жолданымды қарау алгоритмін бекіту туралы» Қазақстан Республикасы Ауыл шаруашылығы министрінің 2023 жылғы 28 шілдедегі № 279 бұйрығы

Қазақстан Республикасы Ауыл шаруашылығы министрлігінде иесі бүркемеленген жолданымды қарау алгоритмін бекіту туралы

Қазақстан Республикасы Ауыл шаруашылығы министрінің 2023 жылғы 28 шілдедегі № 279 бұйрығы

БҰЙЫРАМЫН:

1. Қоса беріліп отырған Қазақстан Республикасы Ауыл шаруашылығы министрлігінде иесі бүркемеленген жолданымды қарау алгоритмі бекітілсін.

2. Осы бұйрық қол қойылған күнінен бастап күшіне енеді.

Қазақстан Республикасы

Ауыл шаруашылығы министрінің

2023 жылғы 28 шілдедегі

№ 279 бұйрығымен

бекітілген

Қазақстан Республикасы Ауыл шаруашылығы министрлігінде иесі

бүркемеленген жолданымды қарау алгоритмі

1-тарау. Жалпы ережелер

1. Осы Қазақстан Республикасы Ауыл шаруашылығы министрлігінде иесі бүркемеленген жолданымды қарау алгоритмі (бұдан әрі - Алгоритм) Қазақстан Республикасы Ауыл шаруашылығы министрлігі (бұдан әрі - Министрлік) қызметкерлерінің иесі бүркемеленген жолданым түскен және қарау кезіндегі іс-қимылдарын айқындау мақсатында әзірленді және бекітілді.

2. Осы Алгоритмде мынадай ұғымдар қолданылады:

1) иесі бүркемеленген жолданым - иесін анықтау мүмкін емес және (немесе) арыз иесінің қойылған қолы, оның ішінде электрондық цифрлық қолтаңбасы, почталық мекенжайы жоқ жолданым;

2) үшінші тұлға - жасырын өтінішті қарау кезінде міндетті тарап болып табылмайтын тұлға.

2-тарау. Министрлік қызметкерлерінің иесі

бүркемеленген жолданым түскен кездегі іс-қимыл тәртібі

3. Министрлікке жазбаша (қағаз) нысанда, оның ішінде «шағымдар мен өтініштерге арналған жәшіктер» арқылы келіп түскен иесі бүркемеленген жолданымдар ТӨ-1 және АИ-1 нысандарын толтыру арқылы «Электрондық жолданымдар» АТЖ-да тіркелуге жатады.

Иесі бүркемеленген жолданымды қабылдаудан бас тартуға жол берілмейді.

4. Иесі бүркемеленген жолданымды тіркеу Қазақстан Республикасының әкімшілік рәсімдік-процестік кодексінің (бұдан әрі - Кодекс) 64-бабының 3-бөлігінде көзделген мерзімдерде жүзеге асырылады.