«Қазақстан Республикасы Энергетика министрлігінің 2023 жылға арналған Операциялық жоспарын бекіту туралы» Қазақстан Республикасы Энергетика министрлігі аппарат басшысының 2023 жылғы 11 қаңтардағы № 9 бұйрығы (2023.05.05. берілген өзгерістермен)

Қазақстан Республикасы Энергетика министрлігінің 2023 жылға арналған Операциялық жоспарын бекіту туралы
Қазақстан Республикасы Энергетика министрлігі аппарат басшысының 2023 жылғы 11 қаңтардағы № 9 бұйрығы

(2023.05.05. берілген өзгерістермен)

2008 жылғы 4 желтоқсандағы Қазақстан Республикасы Бюджет кодексінің 63-бабына, Қазақстан Республикасы Үкіметінің 2017 жылғы 29 қарашадағы № 790 қаулысымен бекітілген Қазақстан Республикасындағы мемлекеттік жоспарлау жүйесінің 118-тармағына және Қазақстан Республикасы Ұлттық экономика министрінің 2020 жылғы 3 ақпандағы № 7 бұйрығымен бекітілген Операциялық жоспарды әзірлеу, іске асыру, мониторингілеу және іске асырылуын бақылау қағидаларының 2-тармағына сәйкес БҰЙЫРАМЫН:

1. Мыналар:

1) осы бұйрыққа 1-қосымшаға сәйкес Қазақстан Республикасы Энергетика министрлігінің 2023 жылға арналған Операциялық жоспары (бұдан әрі - Операциялық жоспар);

2) осы бұйрыққа 2-қосымшаға сәйкес Қазақстан Республикасы Энергетика министрлігінің (бұдан әрі - Министрлік) Операциялық жоспарының орындалуы туралы есеп нысаны бекітілсін.

2. Министрліктің жауапты құрылымдық бөлімшелері есепті тоқсаннан кейінгі айдың 10-күнінен кешіктірмей Операциялық жоспардың іс-шараларын орындау туралы ақпаратты Стратегиялық даму департаментіне ұсынсын.

3. Стратегиялық даму департаменті:

1) тоқсан сайын Операциялық жоспарға мониторинг жүргізсін;

2) есепті тоқсаннан кейінгі айдың 15-күнінен кешіктірмей өткізілген мониторингтің нәтижесі бойынша есепті Министрліктің аппарат басшысына ұсынсын;

3) бекітілген Операциялық жоспарды Министрліктің интернет-ресурсында орналастырсын.

4. Осы бұйрықтың орындалуын өзім бақылаймын.

5. Осы бұйрық қол қойылған күнінен бастап күшіне енеді.

ҚР Энергетика министрлігі Аппарат басшысының 2023.05.05. № 173 бұйрығымен операциялық жоспары жаңа редакцияда (бұр.ред.қара)

Қазақстан Республикасы

Энергетика министрлігі

аппарат басшысының

2023 жылғы 11 қаңтардағы

№ 9 бұйрығына

1-қосымша

Қазақстан Республикасы Энергетика министрлігінің
2023 жылға арналған операциялық жоспары