«Жоғары және жоғары оқу орнынан кейінгі білімі бар кадрларды даярлауға 2019-2020 оқу жылына арналған мемлекеттік білім беру тапсырысын орналастыру туралы» Маңғыстау облысы әкімдігінің 2019 жылғы 21 қарашадағы № 242 Қаулысы

Жоғары және жоғары оқу орнынан кейінгі білімі бар кадрларды даярлауға 2019-2020 оқу жылына арналған мемлекеттік білім беру тапсырысын орналастыру туралы
Маңғыстау облысы әкімдігінің 2019 жылғы 21 қарашадағы № 242 Қаулысы

Қазақстан Республикасының 2007 жылғы 27 шілдедегі «Білім туралы» және 2019 жылғы 5 шілдедегі «2019 - 2021 жылдарға арналған республикалық бюджет туралы» Қазақстан Республикасының Заңына өзгерістер мен толықтырулар енгізу туралы» заңдарына сәйкес, Маңғыстау облысының әкімдігі ҚАУЛЫ ЕТЕДІ:

1. Осы қаулыға 1, 2 қосымшаларға сәйкес жоғары және жоғары оқу орнынан кейінгі білімі бар кадрларды даярлауға 2019-2020 оқу жылына арналған мемлекеттік білім беру тапсырысы орналастырылсын.

2. «Маңғыстау облысының білім басқармасы» мемлекеттік мекемесі осы қаулының әділет органдарында мемлекеттік тіркелуін, оның Қазақстан Республикасы нормативтік құқықтық актілерінің эталондық бақылау банкінде және бұқаралық ақпарат құралдарында ресми жариялануын, Маңғыстау облысы әкімдігінің интернет-ресурсында орналастыруды қамтамасыз етсін.

3. Осы қаулының орындалуын бақылау Маңғыстау облысы әкімінің орынбасары Қ. Жұмашевқа жүктелсін.

4. Осы қаулы әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Маңғыстау облысы әкімдігінің

2019 жылғы 21 қарашадағы

№ 242 қаулысына 1 қосымша

Жоғары және жоғары оқу орнынан кейінгі білімі бар кадрларды даярлауға

 2019-2020 оқу жылына арналған мемлекеттік білім беру тапсырысы

Бюджеттік бағдарламаның әкімшісі - «Маңғыстау облысының білім басқармасы» мемлекеттік мекемесі