«Жергілікті қоғамдастық жиналысының регламентін бекіту туралы» Қостанай облысы Қарабалық ауданы мәслихатының 2020 жылғы 17 қаңтардағы № 471 шешімі (2022.18.04. берілген өзгерістер мен толықтыруларымен)

Жергілікті қоғамдастық жиналысының регламентін бекіту туралы
Қостанай облысы Қарабалық ауданы мәслихатының 2020 жылғы 17 қаңтардағы № 471 шешімі

(2022.18.04. берілген өзгерістер мен толықтыруларымен)

Қостанай облысы Қарабалық ауданы мәслихатының 2022.18.04. № 124 шешімімен кіріспе жаңа редакцияда (бұр.ред.қара)

Қазақстан Республикасы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 39-3-бабына сәйкес, Қарабалық ауданның мәслихаты ШЕШТІ:

1. Қоса беріліп отырған Жергілікті қоғамдастық жиналысының регламенті бекітілсін.

2. Осы шешімнің қосымшасына сәйкес мәслихаттың кейбір шешімдерінің күші жойылды деп танылсын.

3. Осы шешім халық саны екі мың адамнан көп кент, ауылдық округ үшін 2018 жылғы 1 қаңтардан бастап және халық саны екі мың адам және одан аз ауылдар, ауылдық округтер үшін 2020 жылғы 1 қаңтардан бастап қолданысқа енгізіледі.

Қарабалық аудандық мәслихатының

2020 жылғы 17 қаңтардағы

№ 471 шешімімен

бекітілген

Жергілікті қоғамдастық жиналысының

регламенті


1-тарау. Жалпы ережелер

1. Осы Қарабалық ауданының ауылдары, кенті, ауылдық округтерінің Жергілікті қоғамдастық жиналысының регламенті (бұдан әрі - Регламент) «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының (бұдан әрі - Заң) 39-3-бабы 3-1-тармағына, Қазақстан Республикасы Ұлттық экономика министрінің 2017 жылғы 7 тамыздағы № 295 «Жергілікті қоғамдастық жиналысының үлгі регламентін бекіту туралы» бұйрығына (Нормативтік құқықтық актілерді мемлекеттік тіркеу тізілімінде № 15630 болып тіркелген) сәйкес әзірленді.

2. Осы Регламентте қолданылатын негізгі ұғымдар: