Жұмыстар мен жұмысшы кәсіптерінің бірыңғай тарифтік-біліктілік анықтамалығы (3-шығарылым) (Қазақстан Республикасы Еңбек және халықты әлеуметтік қорғау министрінің 2019 жылғы 30 шілдедегі № 388 бұйрығына қосымша) (2022.18.04. берілген өзгерістермен)

Қазақстан Республикасы

Еңбек және халықты әлеуметтік

қорғау министрінің

2019 жылғы 30 шілдедегі

№ 388 бұйрығына

қосымша

Жұмыстар мен жұмысшы кәсіптерінің бірыңғай тарифтік-біліктілік анықтамалығы
(3-шығарылым)

(2022.18.04. берілген өзгерістермен)

1-тарау. Кіріспе

1. Жұмыстар мен жұмысшы кәсіптерінің бірыңғай тарифтік-біліктілік анықтамалығының (3-шығарылым) (бұдан әрі - БТБА) тиісті разрядтағы жұмысшы кәсіптерінің тарифтік-біліктілік сипаттамаларында бар, оларды орындау күрделілігіне тиісті құрылыс, монтаждау және жөндеу-құрылыс жұмыстарды қамтиды.

2. БТБА Қазақстан Республикасы Еңбек және халықты әлеуметтік қорғау министрлігімен әзірленген.

3. Тарифтік-біліктілік сипаттамалары, ерекше ескертілген жағдайлардан басқа, осы бөлімдерде көрсетілген өндірістер мен жұмыс түрлері бар ұйымдардың меншік нысанына және ұйымдық-құқықтық нысанына қарамастан, олардағы жұмысшылардың жұмыстарын тарификациялаған және біліктілік разрядтарын белгілеген кезде қолданылады.

2-тарау. Құрылыс, монтаждау және жөндеу-құрылыс жұмыстарының разрядтары бойынша жұмысшы кәсіптерінің тарифтік-біліктілік сипаттамалары

1-параграф. Автоматика аспаптары мен жүйелерін монтаждаушы, 2-разряд

4. Жұмыс сипаттамасы:

дайын белгілер бойынша құбырлық және электр сымдары үшін бекітпе бөлшектерін орнату;

жауапты емес бөлшектерді бұрандалау;

жабдықты бумадан босату және бума материалдарын жинау;

жабдық пен аппаратураны тазарту және сүрту;

аппараттарда, кабельдерде, құбырлар мен жабдықтар үшін таңбалық биркалар әзірлеу және орнату;

құбырларды, вентильдерді, фасонды бөлшектерді, бекітпе бөлшектерін сұрыптау, қосалқы материалдар әзірлеу;

бөлшектерді егеп кесу және бұранданы қолмен кесу;

құбырлар мен қысым арматурасын монтаждауға дайындау.

5. Білуге тиіс:

жабдықты бумадан босату тәсілдерін;

ең қарапайым такелаждық құрылғылардың түрлері және оларды пайдалану ережелерін;

бекітпе бөлшектерінің негізгі түрлерін;

слесарлық аспаптың мақсатын;

аспаптар мен аппаратураны монтаждау кезінде қолданылатын құбырлар мен материалдардың түрлерін.