«Мүлiктi (зияткерлiк меншiк объектiлерiн, материалдық емес активтердiң құнын қоспағанда) бағалау жөнiндегi қызметтi жүзеге асыруға лицензия беру және бiлiктiлiк емтиханын өткiзу» мемлекеттiк көрсетiлетiн қызмет стандарты (Қазақстан Республикасы Әділет Министрінің 2015 жылғы 28 сәуірдегі № 245 бұйрығына 1-қосымша) (2018.10.01. берілген өзгерістермен) (күші жойылды)

ҚР Қаржы министрінің 2018 жылғы 25 маусымдағы № 623 бұйрығымен 2018 жылғы 13 шілдеден бастап күші жойылды

Қазақстан Республикасы

Әділет Министрінің

2015 жылғы 28 сәуірдегі

№ 245 бұйрығына

1-қосымша

«Мүлiктi (зияткерлiк меншiк объектiлерiн, материалдық емес активтердiң құнын қоспағанда) бағалау жөнiндегi қызметтi

жүзеге асыруға лицензия беру және бiлiктiлiк емтиханын өткiзу»

мемлекеттiк көрсетiлетiн қызмет стандарты
(2018.10.01. берілген өзгерістермен)

1. Жалпы ережелер

1. «Мүлiктi бағалау (зияткерлiк меншiк объектiлерiн, материалдық емес активтердiң құнын қоспағанда) жөнiндегi қызметтi жүзеге асыруға лицензия беру және бiлiктiлiк емтиханын өткiзу» мемлекеттiк көрсетiлетiн қызметi (бұдан әрi - мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасының Әдiлет министрлiгi (бұдан әрi - Министрлiк) әзiрледi.

ҚР Әділет министрінің 2018.10.01. № 54 бұйрығымен 3-тармақ жаңа редакцияда (бұр.ред.қара)

3. Мемлекеттік қызметті Қазақстан Республикасы Әділет министрлігі (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік қызмет көрсету нәтижелерін беру www.e.gov.kz, www.elisense.kz «электрондық үкіметтің» веб-порталы (бұдан әрі - портал) арқылы жүзеге асырылады.

2. Мемлекеттiк қызмет көрсету тәртiбi

ҚР Әділет министрінің 2016.18.11. № 1057 бұйрығымен (бұр.ред.қара); 2018.10.01. № 54 бұйрығымен (бұр.ред.қара) 4-тармақ жаңа редакцияда

4. Мемлекеттік қызметті көрсету мерзімі:

бiлiктiлiк емтиханынан өткенi туралы материалдарды қарау кезiнде - 10 (он) жұмыс күнi ішінде;

біліктілік емтиханынан өткені туралы шешім шығару кезінде - емтихан тапсырған күнінен бастап 3 (үш) жұмыс күні ішінде;

лицензияны беру кезiнде - 15 (он бес) жұмыс күнi;

лицензияны қайта ресiмдеу кезiнде - 3 (үш) жұмыс күнi;

лицензияның телнұсқасын беру кезінде - 2 (екі) жұмыс күні.

Көрсетілетін қызметтi беруші көрсетілетін қызметтi алушының құжаттарын алған кезден бастап екі жұмыс күні ішінде ұсынылған құжаттардың толықтығын тексереді.