«Бейнеу-Бозой-Шымкент» магистральдық газ құбырының күзет аймағы шекарасын белгілеу және жерді пайдалану режимін айқындау туралы» Маңғыстау облысы әкімдігінің 2019 жылғы 31 қазандағы № 232 Қаулысы (күші жойылды)

 «Бейнеу-Бозой-Шымкент» магистральдық газ құбырының күзет аймағы шекарасын белгілеу және жерді пайдалану режимін айқындау туралы
Маңғыстау облысы әкімдігінің 2019 жылғы 31 қазандағы № 232 Қаулысы

Маңғыстау облысы әкімдігінің 2022 жылғы 8 маусымдағы № 87 Қаулысымен күші жойылды

Қазақстан Республикасының 2003 жылғы 20 маусымдағы Жер кодексіне, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» және 2012 жылғы 22 маусымдағы «Магистральдық құбыр туралы» зандарына сәйкес, Маңғыстау облысының әкімдігі ҚАУЛЫ ЕТЕДІ:

1. Халықтың қауіпсіздігін қамтамасыз ету, қоршаған ортаға зиян келтіруді болдырмау және «Бейнеу-Бозой-Шымкент» магистральдық газ құбырын қауіпсіз пайдалану үшін жағдайлар жасау мақсатында меншік иелері мен жер пайдаланушылардан жер учаскелерін алып қоймай-ақ, осы қаулының 1-қосымшасына сәйкес газ құбыры осінің әрбір жағынан елу метрден, ауыл шаруашылығы мақсатындағы жерлерде ғаз құбыры осінің әрбір жағынан жиырма бес метрден күзет аймағының шекарасы белгіленсін.

2. Осы қаулының 2-қосымшасына сәйкес «Бейнеу-Бозой-Шымкент» магистральдық газ құбырының күзет аймағындағы жерді пайдалану режимі айқындалсын.

3. Халықтың қауіпсіздігін қамтамасыз ету мақсатында Бейнеу ауданының әкіміне құрылыс нормалары мен қағидаларында белгіленген ең аз қашықтық шегінде магистральдық құбырға жатпайтын нысандарды салу үшін жер учаскелерін беруге тыйым салынсын.

4. «Маңғыстау облысының жер қатынастары басқармасы» мемлекеттік мекемесі (Е.Д. Дүзмағамбетов) осы қаулының әділет органдарында мемлекеттік тіркелуін, оның Қазақстан Республикасының нормативтік құқықтық актілерінің эталондық бақылау банкі мен бұқаралық ақпарат құралдарында ресми жариялануын, Маңғыстау облысы әкімдігінің интернет-ресурсында орналастырылуын қамтамасыз етсін.

5. Осы қаулының орындалуын бақылау Маңғыстау облысы әкімінің орынбасары Б.А. Қашақовқа жүктелсін.