(БҰРЫНҒЫ РЕДАКЦИЯ) «АСТАНА ҚАЛАСЫ БОЙЫНША САЙЛАУ УЧАСКЕЛЕРІНІҢ ШЕКАРАЛА...

Астана қаласы бойынша сайлау учаскелерінің шекаралары туралы
Астана қаласы әкімінің 2018 жылғы 13 желтоқсандағы № 01-21 шешімі

(2020.10.12. берілген өзгерістер мен толықтырулармен)

Осы редакция 2022 жылғы 20 қыркүйекте енгізілген өзгерістеріне дейін қолданылды

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 23-бабына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 37-бабына сәйкес Астана қаласының әкімі ШЕШТІ:

Нұр-Сұлтан қаласы әкімінің 2020.06.02. № 01-4 шешімімен 1-тармақ өзгертілді (бұр.ред.қара)

1. Нұр-Сұлтан қаласының аумағында сайлау учаскелері 1, 2, 3, 4, 5-қосымшаларға сәйкес шекараларда құрылсын.

2. Мыналардың:

1) «Астана қаласы бойынша сайлау учаскелерінің шекаралары туралы» Астана қаласы әкімінің 2014 жылғы 11 сәуірдегі № 03-11 шешімінің (Нормативтік-құқықтық актілерді мемлекеттік тіркеу тізілімінде № 808 болып тіркелген, 2014 жылғы 13 мамырда «Астана ақшамы», «Вечерняя Астана» газеттерінде жарияланған);

2) «Астана қаласы бойынша сайлау учаскелерінің шекаралары туралы» Астана қаласы әкімінің 2014 жылғы 11 сәуірдегі № 03-11 шешіміне өзгерістер мен толықтырулар енгізу туралы» Астана қаласы әкімінің 2017 жылғы 28 сәуірдегі № 104-8 шешімінің (Нормативтік-құқықтық актілерді мемлекеттік тіркеу тізілімінде № 1103 болып тіркелген, 2017 жылғы 18 мамырда «Астана ақшамы», «Вечерняя Астана» газеттерінде жарияланған) күші жойылды деп танылсын.

3. «Астана қаласы әкімінің аппараты» мемлекеттік мекемесінің басшысы Қазақстан Республикасының заңнамасында белгіленген тәртіпте:

1) осы шешімнің аумақтық әділет органында мемлекеттік тіркелуін;