«Қатты пайдалы қазбаларды қайта өңдеу туралы келісім жасау» мемлекеттік қызметтер көрсету қағидалары» (Қазақстан Республикасы Индустрия және инфрақұрылымдық даму министрінің 2020 жылғы 30 мамырдағы № 323 бұйрығына 3-қосымша) (2021.28.01. берілген өзгерістермен)

ҚР Индустрия және инфрақұрылымдық даму министрінің 2021.28.01. № 38 бұйрығымен қағида жаңа редакцияда (бұр.ред.қара)

Қазақстан Республикасы

Индустрия және инфрақұрылымдық

даму министрінің

2020 жылғы 30 мамырдағы

№ 323 бұйрығына

3-қосымша

«Қатты пайдалы қазбаларды қайта өңдеу туралы келісім жасау»

мемлекеттік қызметтер көрсету қағидалары

(2021.28.01. берілген өзгерістермен)

1-тарау. Жалпы ережелер

1. Осы «Қатты пайдалы қазбаларды қайта өңдеу туралы келісім жасау» мемлекеттік қызметтер көрсету қағидалары (бұдан әрі - Қағидалар) «Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының (бұдан әрі - Заң) 10-бабының 1) тармақшасына сәйкес әзірленді.

2. «Қатты пайдалы қазбаларды қайта өңдеу туралы келісім жасау» мемлекеттік қызмет көрсету (бұдан әрі - мемлекеттік көрсетілетін қызмет) Қазақстан Республикасы Индустрия және инфрақұрылымдық даму министрлігі (бұдан әрі - көрсетілетін қызметті беруші) көрсетеді.

3. Қағидалар жер қойнауын пайдалану саласындағы қызметті жүзеге асыратын жеке және заңды тұлғаларға (бұдан әрі - көрсетілетін қызметті алушы) қолданылады.

2-тарау. Мемлекеттік қызметтер көрсету тәртібі

4. Көрсетілетін қызметті алушы мемлекеттік қызметті көрсетілетін алу үшін www.egov.kz электрондық үкіметтің веб-порталы арқылы, осы Қағидаларға 2-қосымшаның 8-тармағында көрсетілген құжаттармен бірге осы Қағидаларға 1-қосымшаға сәйкес нысан бойынша өтініш жібереді. «Қатты пайдалы қазбаларды қайта өңдеу туралы келісім жасау» мемлекеттік қызметі (бұдан әрі - Мемлекеттік қызмет стандарты).

Мемлекеттік қызметтерді көрсетуге қойылатын негізгі талаптардың тізбесі, оның ішінде процестің сипаттамасы, ұсыну нысаны, мазмұны және нәтижесі, сондай-ақ мемлекеттік қызметтер көрсету ерекшеліктерін ескере отырып, өзге де ақпарат мемлекеттік қызметтерге арналған стандартта көрсетілген.

5. Көрсетілетін қызметті беруші құжаттарды олар алынған күні тіркейді.