«Мемлекеттік қызметтерді көрсету сапасын бақылау іс-шараларының 2021 жылға арналған жоспарын бекіту туралы» Қазақстан Республикасы Білім және ғылым министрлігінің Аппарат басшысының 2021 жылғы 17 ақпандағы № 60 бұйрығы

Мемлекеттік қызметтерді көрсету сапасын бақылау іс-шараларының 2021 жылға арналған жоспарын бекіту туралы

Қазақстан Республикасы Білім және ғылым министрлігінің Аппарат басшысының 2021 жылғы 17 ақпандағы № 60 бұйрығы

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 8 желтоқсандағы № 78 бұйрығымен бекітілген Мемлекеттік қызметтер көрсету сапасын мемлекеттік бақылау қағидаларының 38, 42, 43-тармақтарына (бұдан әрі - Қағидалар) сәйкес БҰЙЫРАМЫН:

1. Осы бұйрыққа қосымшаға сәйкес мемлекеттік қызметтерді көрсету сапасын бақылау іс-шараларының 2021 жылға арналған бақылау іс-шаралар жоспары бекітілсін.

2. Білім және ғылым саласында сапаны қамтамасыз ету, Балалардың құқықтарын қорғау, Ғылым, Мектепке дейінгі және орта білім комитеттері, Жоғары және жоғары оқу орнынан кейінгі білім, Техникалық және кәсіптік білім, Халықаралық ынтымақтастық, Білім беруді цифрлық трансформациялау департаменттері тоқсан сайын, есепті кезеңнен кейінгі айдың 5-күніне дейін Қазақстан Республикасы Білім және ғылым министрлігінің Ұйымдастыру жұмысы және мемлекеттік қызмет көрсету департаментіне талдамалық анықтаманы және есептік нысанда көрсетілген мәліметті растайтын тиісті материалдарды қоса бере отырып, Қағидаларға 1-қосымшаға сәйкес нысан бойынша мемлекеттік қызметтерді көрсету сапасына ішкі бақылау бойынша жұмыс туралы есепті ұсынсын. Білім беруді цифрлық трансформациялау департаменті Ұйымдастыру жұмысы және мемлекеттік қызмет көрсету департаментіне мемлекеттік қызметтерді автоматтандыру туралы есепті аналитикалық анықтама түрінде ұсынсын.

3. Қазақстан Республикасы Білім және ғылым министрлігінің Ұйымдастыру жұмысы және мемлекеттік қызмет көрсету департаменті тоқсан сайын есепті кезеңнен кейінгі айдың 10-күніне дейін Қазақстан Республикасының Мемлекеттік қызмет істері агенттігіне мемлекеттік қызметтерді көрсету сапасын ішкі бақылау бойынша жұмыс туралы есепті ұсынсын.