«Босатылатын оқ-дәрiлердi, қару-жарақтарды, әскери техниканы, арнайы құралдарды жою (құрту, кәдеге жарату, көму) және қайта өңдеу жөніндегі қызметтi жүзеге асыруға лицензия беру» мемлекеттiк көрсетілетін қызмет стандарты (Қазақстан Республикасының Қорғаныс және аэроғарыш өнеркәсібі министрінің 2018 жылғы 14 желтоқсандағы № 215/НҚ бұйрығына 2-қосымша) (2019.07.10. берілген өзгерістермен) (күші жойылды)

Қазақстан Республикасының

Қорғаныс және аэроғарыш өнеркәсібі министрінің

2018 жылғы 14 желтоқсандағы

№ 215/НҚ бұйрығына

2-қосымша

ҚР Индустрия және инфрақұрылымдық даму министрінің 2020 жылғы 24 сәуірдегі № 233 бұйрығымен күші жойылды

«Босатылатын оқ-дәрiлердi, қару-жарақтарды, әскери техниканы, арнайы құралдарды жою
(құрту, кәдеге жарату, көму) және қайта өңдеу жөніндегі қызметтi жүзеге асыруға лицензия беру»
мемлекеттiк көрсетілетін қызмет стандарты

(2019.07.10. берілген өзгерістермен)

1-тарау. Жалпы ережелер

1. «Босатылатын оқ-дәрiлердi, қару-жарақтарды, әскери техниканы, арнайы құралдарды жою (құрту, кәдеге жарату, көму) және қайта өңдеу жөніндегі қызметтi жүзеге асыруға лицензия беру» мемлекеттiк көрсетілетін қызметі (бұдан әрi - мемлекеттiк көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Қорғаныс және аэроғарыш өнеркәсібі министрлігі (бұдан әрi - Министрлік) әзірледі.

ҚР Индустрия және инфрақұрылымдық даму министрінің 2019.07.10. № 757 бұйрығымен 3-тармақ жаңа редакцияда (бұр.ред.қара)

3. Мемлекеттік көрсетілетін қызметті Қазақстан Республикасының Индустрия және инфрақұрылымдық даму министрлігі (бұдан әрі - көрсетілетін қызметті беруші) көрсетеді.

Көрсетілетін қызметті беруші өтінішті қабылдау және мемлекеттік қызметті көрсету нәтижелерін беруді «электрондық үкіметтің» www.egov.kz, www.elіcense.kz веб-порталы (бұдан әрі - портал) арқылы жүзеге асырады.

2-тарау. Мемлекеттiк қызметті көрсету тәртiбi

4. Порталға өтініш берілген сәттен бастап мемлекеттiк қызметті көрсету мерзiмi:

1) көрсетілетін қызметті берушіге құжаттар топтамасы тапсырылған, сондай-ақ порталға өтініш берілген сәттен бастап:

лицензияны және (немесе) лицензияға қосымшаны беру - 15 (он бес) жұмыс күні;

лицензияны және (немесе) лицензияға қосымшаны қайта ресiмдеу - 3 (үш) жұмыс күні;