19.07.04 ж. енгізілген өзгерістеріне дейін қолданылған
ҚР Табиғи монополияларды реттеу және бәсекелестікті қорғау жөніндегі агенттігінің 09.10.03 ж. № 253-НҚ бұйрығымен 8-тармақ өзгертілді (бұрынғы ред. қара)
8. Тарифтерді бекітуге берілген өтінімге:
1) табиғи монополия субъектісінің әрбір жыл үшін тоқсандар бойынша ашып көрсетілген тарифтерді соңғы бекіту сәтінен бастап өткен кезең ішіндегі қаржы-шаруашылық қызметінің талдамасымен бірге тарифтерді бекіту қажеттігі туралы түсіндірме жазба;
2) тарифтің салалық ерекшеліктерін ескере отырып, уәкілетті орган белгілеген нысан бойынша прейскурант түріндегі жобасы;
3) ұйымның бухгалтерлік балансы;
4) қаржы-шаруашылық қызметтің нәтижелері туралы есеп;
5) ақша қаражаттарының қозғалысы туралы есеп;
6) 50 адамнан көп тізімдік санмен жұмыс істейтін заңды тұлғаларға арналған инвестициялар (1-инвест нысаны) туралы мәліметтер;
7) еңбек жөніндегі (1-т нысаны) есеп;
8) жекелеген лауазымдар мен кәсіптер бойынша қызметкерлер жалақыларының мөлшері туралы есеп (2-Т проф);
9) жұмыс істейтіндердің тізімдік санына қарай ұйымның өндірістік-қаржылық қызметінің негізгі көрсеткіштері (N2-МП нысаны немесе N1-ПФ нысаны);
10) негізгі қаражаттар мен материалдық емес активтердің болуы және қозғалысы туралы есеп (№ 11 нысаны);
11) осы Нұсқаулыққа берілген 1 қосымшаға сәйкес жиынтық деректер;
12) тарифтік сметаны, нақты шығындарды негіздейтін материалдарды қоса отырып, орындау туралы есеп;
13) дебиторлық және кредиторлық берешектерді ашып көрсету;
14) автокөліктің болуы және жұмысы туралы есеп (1-ТР шос);
15) өзге және басқа шығыстарды ашып көрсету;
16) белгіленген тәртіппен бекітілген және келісілген:
есептік саясат;
инвестициялық жобалар;
жылдық нормативтік ысыраптар;
персонал санының нормативтері;
ағымдағы және күрделі жөндеулер мен басқа жөндеу-қалпына келтіру жұмыстарына бағытталған, негізгі құралдардың құнын өсіруге алып келмейтін шығындардың жылдық сметасы;
күрделі жөндеу жұмыстарын жүргізуге бағытталған, негізгі құралдардың құнын арттыруға алып келетін шығындардың жылдық сметасы;
шикізат пен материалдар шығыстарының жылдық нормалары;
17) материалдық, қаржылық ресурстарды, жабдықтарды және қызметтерді сатып алу жөніндегі конкурстық (тендерлік) комиссиялардың шешімі;
18) негізгі құралдарды қайта бағалаудың соңғы нәтижелері туралы, сондай-ақ жоспарланған қайта бағалаулар туралы мәлімет;
19) негізгі құралдарды пайдалануға берілген мерзімдері көрсетілген амортизациялық аударымдардың есебі;
20) Ерекше тәртіпке сәйкес тарифтерді қалыптастыру кезінде ескерілмейтін, нақты жұмсалған шығыстар туралы мәліметтер;
21) мемлекеттік мүлікті немесе мемлекеттік кәсіпорынды басқару жөніндегі органның басшыларының, олардың орынбасарларының, бас (аға) бухгалтерлердің еңбекақы төлеу және лауазымдық жалақылар қорын, сондай-ақ оларға сыйақы беру және өзге де сыйақылар жүйелерін (мемлекеттік не мемлекеттік қатысудың үлесін иеленуші кәсіпорындар не ұйымдар үшін) белгілеу туралы шешімі;
22) қызметтердің (тауарлардың, жұмыстардың) жоспарланған көлемдерін (ниет хаттамаларын, шартты, жалпыға бірдей сапалы қызмет көрсету міндетінің қағидатына сүйене отырып, тауарлар өндірісі көлемінің есебін және табиғи монополия субъектілерінің мүмкіндіктерін, жоғары тарифтерді монополиялық қолдау мақсатында, өндіріс көлемдерін төмендетуге жол бермеуді, тұтынушы сұранысын маркетингтік зерттеулер материалдарын) растайтын құжаттар;
23) табиғи монополия субъектісінің жобалық қуаты туралы және оны нақты пайдалану туралы деректер қоса беріледі;
24) Ерекше тәртіптің талаптарына сәйкес тарифтік сметаның жобасы.