(БҰРЫНҒЫ РЕДАКЦИЯ) «МЕМЛЕКЕТ КЕПІЛДІК БЕРГЕН ЗАҢ КӨМЕГІН КӨРСЕТУ ТУРАЛЫ...

Мемлекет кепілдік берген заң көмегін көрсету туралы адвокатпен көрсетілетін есеп нысанын бекіту туралы
Қазақстан Республикасы Әділет министрінің 2018 жылғы 27 қыркүйектегі № 1457 бұйрығы

Осы редакция 2021 жылғы 29 шілдеде енгізілген өзгерістеріне дейін қолданылды

«Адвокаттық қызмет және заң көмегі туралы» Қазақстан Республикасының 2018 жылғы 5 шілдедегі Заңының 28-бабы 10 және 11-тармақтарына және «Мемлекеттік статистика туралы» Қазақстан Республикасы 2010 жылғы 19 наурыздағы Заңының 16-бабы 3-тармағының 2) тармақшасына сәйкес БҰЙЫРАМЫН:

1. Қоса берiлiп отырған:

1) мемлекет кепілдік берген заң көмегін көрсеткені туралы адвокаттың есебінің нысаны осы бұйрықтың 1-қосымшасына сәйкес;

2) адвокаттар көрсеткен, мемлекет кепілдік берген заң көмегі туралы адвокаттар алқасының жиынтық есебінің нысаны осы бұйрықтың 2-қосымшасына сәйкес бекiтiлсiн.

2. Осы бұйрықтың 3-қосымшасына сәйкес Қазақстан Республикасы Әділет министрлігінің кейбір бұйрықтарының күші жойылды деп танылсын.

3. Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті заңнамада белгіленген тәртіпте:

1) осы бұйрықты мемлекеттік тіркеуді;

2) осы бұйрық мемлекеттік тіркелген күнінен бастап күнтізбелік он күн ішінде оны қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді;

4. Осы бұйрықтың орындалуын бақылау Қазақстан Республикасы Әділет министрінің жетекшілік ететін орынбасарына жүктелсін.

5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

«КЕЛІСІЛДІ»

Қазақстан Республикасы

Ұлттық экономика министрлігінің

Статистика комитеті

«___»______2018 жыл

Қазақстан Республикасы

Әділет министрінің

2018 жылғы 27 қыркүйектегі

№ 1457 бұйрығына

1-қосымша