«Коммуналдық қалдықтардың түзілу және жинақталу нормаларын, тұрмыстық қатты қалдықтарды жинауға, әкетуге және көмуге арналған тарифтерді бекіту туралы» Солтүстік Қазақстан облысы Петропавл қалалық мәслихатының 2018 жылғы 27 тамыздағы № 4 шешімі (2020.23.04. берілген өзгерістермен) (күші жойылды)

Коммуналдық қалдықтардың түзілу және жинақталу нормаларын, тұрмыстық қатты қалдықтарды жинауға, әкетуге және көмуге арналған тарифтерді бекіту туралы
Солтүстік Қазақстан облысы Петропавл қалалық мәслихатының 2018 жылғы 27 тамыздағы № 4 шешімі

(2020.23.04. берілген өзгерістермен)

Солтүстік Қазақстан облысы Петропавл қалалық мәслихатының 2022 жылғы 27 желтоқсандағы № 3 шешімімен күші жойылды

Қазақстан Республикасының 2007 жылғы 9 қаңтардағы Экологиялық кодексі 19-1-бабының 1), 2) тармақшаларына, Қазақстан Республикасының 2001 жылғы 23 қаңтардағы «Қазақстан Республикасындағы жергiлiктi мемлекеттiк басқару және өзін-өзі басқару туралы» Заңының 7-бабына сәйкес Петропавл қалалық мәслихаты ШЕШІМ ҚАБЫЛДАДЫ:

1. Коммуналдық қалдықтардың түзілу және жинақталу нормаларын осы шешімнің № 1 қосымшасына сәйкес бекітілсін.

2. Тұрмыстық қатты қалдықтарды жинауға, әкетуге және көмуге арналған тарифтерді осы шешімнің № 2 қосымшасына сәйкес бекітілсін.

3. Петропавл қалалық мәслихаттың келесі шешімдерінің күші жойылды деп танылсын:

1) Петропавл қалалық мәслихатының 2014 жылғы 18 шілдедегі № 3 «Петропавл қаласында қатты тұрмыстық қалдықтар полигонындағы қатты тұрмыстық қалдықтарды көму және кәдеге жарату тарифін бекіту туралы» (Нормативтік құқықтық актілерді мемлекеттік тіркеу тізілімінде № 2907 болып тіркелген, 2014 жылғы 22 тамыздағы «Проспект СК», «Қызылжар нұры» газеттерінде жарияланған) шешімі;

2) Петропавл қалалық мәслихатының 2017 жылғы 24 мамырдағы № 2 «Петропавл қаласында қатты тұрмыстық қалдықтар полигонындағы коммуналдық қалдықтарды көму және кәдеге жарату тарифін бекіту туралы» Петропавл қалалық мәслихатының 2014 жылғы 18 шілдедегі № 3 шешіміне өзгерістер енгізу туралы» (Нормативтік құқықтық актілерді мемлекеттік тіркеу тізілімінде № 4228 болып тіркелген, 2017 жылғы 30 маусымда Қазақстан Республикасы нормативтік құқықтық актілерінің электрондық түрдегі эталондық бақылау банкінде жарияланған) шешімі.