«Байқау кеңесінің мүшелері қызметін бағалаудың кейбір мәселелері туралы» Қазақстан Республикасы Денсаулық сақтау министрінің 2022 жылғы 1 маусымдағы № 408 бұйрығы (күші жойылды)

Байқау кеңесінің мүшелері қызметін бағалаудың кейбір мәселелері туралы

Қазақстан Республикасы Денсаулық сақтау министрінің 2022 жылғы 1 маусымдағы № 408 бұйрығы

ҚР Денсаулық сақтау министрінің 2022 жылғы 20 қыркүйектегі № 823 бұйрығымен күші жойылды

«Мемлекеттік мүлік туралы» 2011 жылғы 1 наурыздағы Қазақстан Республикасының Заңы 148-бабының 5-тармағына, Қазақстан Республикасы Ұлттық экономика министрінің 2015 жылғы 20 ақпандағы № 115 бұйрығымен бекітілген байқау кеңесі мүшелерінің қызметін бағалау және байқау кеңесінің мүшелеріне сыйақы төлеу лимитін айқындау қағидаларының (бұдан әрі - Қағидалар) 2-тармағына сәйкес БҰЙЫРАМЫН:

1. Осы бұйрыққа қосымшаға сәйкес құрамда Қазақстан Республикасы Денсаулық сақтау министрлігінің шаруашылық жүргізу құқығындағы республикалық мемлекеттік кәсіпорындарының байқау кеңестері мүшелерінің қызметін бағалау жөніндегі комиссия (бұдан әрі - Комиссия) құрылсын.

2. Комиссия аудиттелген қаржылық есептіліктер бекітілгеннен кейін күнтізбелік отыз күннің ішінде жыл сайын Қағидаларға сәйкес шаруашылық жүргізу құқығындағы республикалық мемлекеттік кәсіпорындардың байқау кеңестері мүшелерінің қызметтеріне, осы қызметтегі жылдық қызметінің қорытындысы бойынша бағалау жүргізсін.

3. Мынадай бұйрықтардың күші жойылсын:

1) «Байқау кеңесінің мүшелері қызметін бағалаудың кейбір мәселелері туралы» Қазақстан Республикасы Денсаулық сақтау министрінің 2018 жылғы 1 қазандағы № 562;

2) «Байқау кеңестері мүшелерінің қызметін бағалаудың кейбір мәселелері туралы» Қазақстан Республикасы Денсаулық сақтау министрінің 2018 жылғы 1 қазандағы № 562 бұйрығына өзгеріс енгізу туралы» Қазақстан республикасы Денсаулық сақтау министрінің 2021 жылғы 12 қазандағы «Байқау кеңестері мүшелерінің қызметін бағалаудың кейбір мәселелері туралы» № 653.