«Белгілі бір аурулары (жай-күйлері) бар Қазақстан Республикасы азаматтарының жекелеген санаттарын тегін және (немесе) жеңілдікпен амбулаториялық қамтамасыз ету үшін дәрілік заттар мен медициналық бұйымдардың тізбесін әзірлеудің кейбір мәселелері туралы» Қазақстан Республикасы Денсаулық сақтау вице-министрінің 2021 жылғы 16 наурыздағы № 142 бұйрығы

Белгілі бір аурулары (жай-күйлері) бар Қазақстан Республикасы азаматтарының жекелеген санаттарын тегін және (немесе) жеңілдікпен амбулаториялық қамтамасыз ету үшін дәрілік заттар мен медициналық бұйымдардың тізбесін әзірлеудің кейбір мәселелері туралы
Қазақстан Республикасы Денсаулық сақтау вице-министрінің 2021 жылғы 16 наурыздағы № 142 бұйрығы

Қазақстан Республикасы Үкіметінің 2017 жылғы 17 ақпандағы № 71 қаулысымен бекітілген Қазақстан Республикасының Денсаулық сақтау министрлігі туралы ереженің 18-тармағының 7) тармақшасына, «Қазақстан Республикасының Денсаулық сақтау министрі, бірінші вице-министрі және вице-министрлерінің арасында міндеттерді бөлу туралы» Қазақстан Республикасы Денсаулық сақтау министрінің 2020 жылғы 30 қыркүйектегі № 625 бұйрығына сәйкес БҰЙЫРАМЫН:

1. Осы бұйрыққа қосымшаға сәйкес Белгілі бір аурулары (жай-күйлері) бар Қазақстан Республикасы азаматтарының жекелеген санаттарын тегін және (немесе) жеңілдікпен амбулаториялық қамтамасыз ету үшін дәрілік заттар мен медициналық бұйымдардың тізбесін әзірлеу жөніндегі жұмыс тобы (бұдан әрі - жұмыс тобы) құрылсын.

2. Жұмыс тобы:

1) 2021 жылғы 1 сәуірге дейінгі мерзімде Белгілі бір аурулары (жай-күйлері) бар Қазақстан Республикасы азаматтарының жекелеген санаттарын тегін және (немесе) жеңілдікпен амбулаториялық қамтамасыз ету үшін дәрілік заттар мен медициналық бұйымдардың тізбесін (бұдан әрі - тізбе) әзірлеуді және Қазақстан Республикасы Денсаулық сақтау министрлігінің Дәрі-дәрмек саясаты департаментіне енгізуді қамтамасыз етсін;

2) осы бұйрыққа 2-қосымшаға сәйкес Тізбені әзірлеу кезінде жұмыс тобының өзара іс-қимыл алгоритмін басшылыққа алсын.

3. Қазақстан Республикасы Денсаулық сақтау министрлігінің Дәрі-дәрмек саясаты департаменті:

1) 2021 жылғы 5 сәуірге дейінгі мерзімде Тізбені жіберсін және оны Қазақстан Республикасы Денсаулық сақтау министрлігінің құрылымдық бөлімшелерімен келісуді қамтамасыз етсін;

2) 2021 жылғы 8 сәуірге дейінгі мерзімде мүдделі мемлекеттік органдарға келісуге жіберсін.