Қазақстан Республикасы Үкіметінің 1997 жылғы 4 желтоқсандағы № 1680 қаулысына өзгерістер мен толықтырулар енгізу туралы Қазақстан Республикасы Үкіметінің 1998 жылғы 19 тамыздағы № 770 Қаулысы (күші жойылды)

Қазақстан Республикасы Үкіметінің 1997 жылғы 4 желтоқсандағы
№ 1680 қаулысына өзгерістер мен толықтырулар енгізу туралы
Қазақстан Республикасы Үкіметінің 1998 жылғы 19 тамыздағы № 770 Қаулысы

ҚР Үкіметінің 2006.29.04. № 343 қаулысымен күші жойылды

«Қазақстан Республикасының нормативтік құқықтық актілері туралы» Қазақстан Республикасының 1998 жылғы 24 наурыздағы Заңын іске асыру мақсатында Қазақстан Республикасының Үкіметі ҚАУЛЫ ЕТЕДІ:

«Қазақстан Республикасының Нормативтік құқықтық актілерінің мемлекеттік тізілімін бекіту туралы» Қазақстан Республикасы Үкіметінің 1997 жылғы 4 желтоқсандағы № 1680 қаулысына (Қазақстан Республикасының ПҮАЖ-ы, 1997 ж., № 52, 478-құжат) мынадай өзгерістер мен толықтырулар енгізілсін:

көрсетілген қаулымен бекітілген Қазақстан Республикасының нормативтік құқықтық актілерінің мемлекеттік тізілімі туралы ережеге:

3-тармақта:

төртінші азатжолдағы «Қазақстан Республикасы Президентінің жарлықтары» деген сөздер алынып тасталсын;

бесінші, алтыншы, жетінші және сегізінші азатжолдар мынадай редакцияда жазылсын:

«Қазақстан Республикасы Парламентінің және оның палаталарының нормативтік қаулылары;

Қазақстан Республикасы Үкіметінің нормативтік қаулылары;

Қазақстан Республикасы Конституциялық Кеңесінің, Жоғарғы Сотының және Орталық сайлау комиссиясының нормативтік қаулылары;

Ұлттық Банктің, Ұлттық қауіпсіздік комитетінің, орталық атқарушы органдардың азаматтардың құқықтарын, бостандықтары мен заңды мүдделерін қозғайтын немесе ведомствоаралық сипаты бар нормативтік құқықтық актілері;»

4-тармақтың екінші азатжолында:

«енгізілгеннен кейін бес күн ішінде» деген сөздер алынып тасталсын;

«және орыс тілдерінде» деген сөздерден кейін «қағаз және электрондық сақтаушыларда» деген сөздермен толықтырылсын.

Қазақстан Республикасының

Премьер-Министрі