Тауарлар мен көлік құралдарын кедендік ресімдеудің кейбір мәселелері Мемлекеттік кіріс министрлігі Кеден комитеті төрағасының 2001 жылғы 15 ақпандағы № 51 бұйрығы (ҚР МКМ Кеден комитетінің 12.10.01 ж. № 355; ҚР Кедендік бақылау агенттігінің 26.12.02 ж. № 160 бұйрықтарымен енгізілген өзгерістерімен) (күші жойылды)

Мемлекеттік кіріс министрлігі Кеден комитеті төрағасының 2001 жылғы 15
ақпандағы № 51 бұйрығы (ҚР МКМ Кеден комитетінің 12.10.01 ж. № 355;
ҚР Кедендік бақылау агенттігінің 26.12.02 ж. № 160 бұйрықтарымен
енгізілген өзгерістерімен)

ҚР Кедендік бақылау агенттігінің 2003 жылғы 11 маусымдағы № 288 бұйрығымен күші жойылды

"Қазақстан Республикасындағы кеден iсi туралы" Қазақстан Республикасының Заңына сәйкес

БҰЙЫРАМЫН:

1. Қоса берiлiп отырған:

Ішкi кедендiк транзиттің рәсiмдерi туралы нұсқаулық;

Кедендiк брокерлердiң тауарлар мен көлiк құралдарын кедендiк ресiмдеу жөніндегі операциялардың есебiн жүргiзудің және ол бойынша есептiлiктiң тәртібі;

Жүксiз шетелдiк автокөлiк құралдарын әкелудi куәландыруды ресiмдеудiң тәртібі;

Тауарлардың кедендiк бақылаумен әкелiнетiндiгiн растау туралы куәлiктi ресiмдеудiң тәртібі;

Кеден мөрлерi және пломбылары бар тауарларды тасымалдау үшiн көлiк құралдарын (контейнерлердi) жабдықтау және жіберу тәртібі жөніндегі осы нұсқаулық;

ХЖТ кiтапшаларын қолдану арқылы Жүктердi халықаралық тасымалдау туралы кедендiк конвенцияны қолданудың тәртібі;

Экспортталатын тауарларды уақытша декларациялау рәсiмдерiн пайдалана отырып кедендiк ресiмдеудiң тәртібі;

Қазақстан Республикасының кедендiк шекарасы арқылы құбыр желісі көлiгiмен және электр беру желiлерi бойынша өткiзiлетiн тауарларды кедендiк ресiмдеудің тәртібі;

Тәуелсiз Мемлекеттер Достастығына қатысушы мемлекеттердiң өндiрiстiк кооперациялар кәсiпорынының және салаларының дамуын қолдаудың жалпы шарттары мен тетiгi туралы Келісімге сәйкес тауарларды Қазақстан Республикасының кедендiк шекарасы арқылы өткiзудiң тәртібі.

2. Құқықтық қамтамасыз ету басқармасы (Г.Ә. Мұхамедиева) осы бұйрықтың мемлекеттік тiркелуiн қамтамасыз етсiн.

3. Баспасөз қызметi (Б.Т. Омарәлиев) осы бұйрықтың бұқаралық ақпарат құралдарында жариялануын қамтамасыз етсiн.

4. Қосымшаға сәйкес Қазақстан Республикасының Мемлекеттік кiрiс министрлігі Кеден комитетiнiң кейбір бұйрықтарының күшi жойылды деп танылсын.