Денсаулық сақтау ұйымдарының мемлекеттік болып табылмайтын қызметкерлеріне еңбек ақы төлеу жүйесі жөніндегі кейбір мәселелер Қазақстан Республикасының Денсаулық сақтау министрінің 2002 жылғы 20 ақпандағы № 185 бұйрығы (ҚР Денсаулық сақтау министрінің 19.04.02 ж. № 394 бұйрығымен енгізілген өзгерістерімен) (күші жойылды)

Денсаулық сақтау ұйымдарының мемлекеттік болып табылмайтын
қызметкерлеріне еңбек ақы төлеу жүйесі жөніндегі кейбір мәселелер
Қазақстан Республикасының Денсаулық сақтау министрінің 2002 жылғы 20 ақпандағы № 185 бұйрығы
(ҚР Денсаулық сақтау министрінің 19.04.02 ж. № 394 бұйрығымен енгізілген өзгерістерімен)

ҚР Денсаулық сақтау министрінің 2010 жылғы 29 сәуірдегі № 311 бұйрығымен күші жойылды

"Мемлекеттік мекемелердiң мемлекеттік болып табылмайтын қызметкерлерiне еңбек ақы төлеу жүйесi туралы" Қазақстан Республикасы Үкіметінiң 2002 жылғы 11 қаңтардағы № 41 қаулысына сәйкес БҰЙЫРАМЫН:

1. Қоса берiлiп отырған:

1) Денсаулық сақтау ұйымдарының мемлекеттік болып табылмайтын қызметкерiнiң мамандығы бойынша жұмыс өтілін есептеу Ережесi;

2) денсаулық сақтау ұйымының медициналық қызметкерлерiнiң кезекшiлiгiн ұйымдастыру және ақы төлеу Ережесi бекітілсiн.

2. Қазақстан Республикасы Денсаулық сақтау министрлігінiң Қаржы департаментi (Литвиненко Т.В.) осы бұйрықтың Қазақстан Республикасының Әдiлет министрлігінде мемлекеттік тiркелуiн қамтамасыз етсiн.

3. Осы бұйрық мемлекеттік тiркелген сәттен бастап енгiзiледi және 2002 жылғы 1 қаңтардан бастап туындаған қатынастарға қолданылады.

4. Осы бұйрықтың орындалуын бақылау вице-министрi А.Т. Айдархановқа жүктелсін.

Қазақстан Республикасы

Денсаулық сақтау министрінің

2002 жылғы 20 ақпандағы

№ 185 бұйрығымен бекітілген

Денсаулық сақтау ұйымдарының мемлекеттік

болып табылмайтын қызметкерлерінің мамандығы

бойынша жұмыс өтілін есептеу

ЕРЕЖЕСI

ҚР Денсаулық сақтау министрінің 19.04.02 ж. № 394 бұйрығымен 1-тармақ толықтырылды

1. Осы Ереже денсаулық сақтау ұйымдарының мемлекеттік емес қызметкерлерiнiң мамандығы бойынша жұмыс өтілін есептеу тәртібі мен шарттарын реттейдi.

Мамандық бойынша жұмыс өтіліне сол мамандық бойынша ұйымдастырушылық-құқықтық нысандарға қарамастан мемлекеттік денсаулық сақтау ұйымдары мен басқа да ұйымдардағы жұмыстың уақыты есептеледі.